எம்.ஜி.ஆர், சிவாஜி காலத்தில் புகழ் பெற்ற நகைச்சுவை நடிகராகவும், ஹீரோவாகவும் தமிழ் சினிமாவில் இருந்தவர் நடிகர் சந்திரபாபு. செல்வச்செழிப்புடன் வாழ்ந்த சந்திரபாபு, எம்ஜிஆர் நடிக்கும் படம் ஒன்றை தயாரித்து அந்த படம் பாதியில் நின்றுபோனதால் கடனாளியானார். கடைசி காலத்தில் வாடகை வீட்டில் உணவுக்கு கூட காசு இல்லாமல் வறுமையில் மறைந்தார்

இந்த நிலையில் இந்திய திரையுலகில் தற்போது பல வாழ்க்கை வரலாறு திரைப்படம் உருவாகி வெற்றி பெற்று வரும் நிலையில் சந்திரபாபு வாழ்க்கை வரலாறு திரைப்படமும் உருவாகவுள்ளது.

இந்த படத்தை இயக்குனர் கே.ராஜேஷ்வர் இயக்கவுள்ளார். இவர் ஏற்கனவே 'சீவலப்பேரி பாண்டி, 'அமரன்', 'கோவில்பட்டி வீரலட்சுமி போன்ற படங்களை இயக்கியவர் என்பது குறிப்பிடத்தக்கது

சந்திரபாபு வேடத்தில் நடிக்கும் நடிகரின் தேர்வு நடைபெற்று வருவதாகவும், அதன்பின் படப்பிடிப்பு தொடங்கும் என்றும் கே.ராஜேஷ்வர் தெரிவித்துள்ளார்.

கடைசி காலத்தில் எம்ஜிஆருடன் சந்திரபாபுவுக்கு கருத்துவேறுபாடு இருந்தபோதிலும் இருவரும் சந்தித்து மனம் விட்டு பேசும் காட்சி ஒன்று இந்த படத்தில் ஹைலைட்டாக இருக்கும் என்றும் இயக்குனர் கூறியுள்ளார்.