పవర్ స్టార్ పవన్ కళ్యాణ్ పుట్టినరోజు వేడుకలు అభిమానులు ఘనంగా జరుపుకుంటున్నారు. సోషల్ మీడియా లోనూ జనాసేనానికి బర్త్ డే విషెస్ వెల్లువెత్తుతున్నాయి. మాజీ సీఎం చంద్రబాబు నాయుడు ట్విట్టర్ వేదికగా పవన్ కి పుట్టిన రోజు శుభాకాంక్షలు తెలిపాడు.

"తెలుగు సినీనటులుగా అశేష ప్రేక్షకాభిమానాన్ని సంపాదించి, విశిష్ట వ్యక్తిత్వంతో, ప్రజల పక్షాన నిలిచి సేవలందిస్తోన్న జనసేన పార్టీ అధినేత పుట్టినరోజు శుభాకాంక్షలు. మీరు శతాయుష్కులై, సంపూర్ణ ఆనందారోగ్యాలతో వర్ధిల్లాలని కోరుకుంటున్నాను" అంటూ విష్ చేశాడు. అంతే కాదు పవన్ తో కలిసి ఉన్న ఫోటోను షేర్ చేశాడు. దీంతో వీళ్లిద్దరి మధ్య స్నేహం మళ్లీ చిగురించింది అనుకుంటున్నారు రాజకీయ విశ్లేషకులు. తెర వెనుక రహస్యంగా స్నేహం చేస్తున్నారని వైసీపీ నేతలు విమర్శలు గుప్పించేందుకు రెడీ అవుతున్నారు. విషెస్ చెప్తే రాజకీయంగా స్నేహంగా ఉన్నట్లా? అంటూ వైసీపీ నాయకులను ప్రశ్నిస్తున్నారు టిడిపి, జనసేన నేతలు.

తెలుగు సినీనటులుగా అశేష ప్రేక్షకాభిమానాన్ని సంపాదించి, విశిష్ట వ్యక్తిత్వంతో, ప్రజల పక్షాన నిలిచి సేవలందిస్తోన్న జనసేన పార్టీ అధినేత @PawanKalyan గారికి పుట్టినరోజు శుభాకాంక్షలు. మీరు శతాయుష్కులై, సంపూర్ణ ఆనందారోగ్యాలతో వర్ధిల్లాలని కోరుకుంటున్నాను. pic.twitter.com/AqZwkCJzgG

— N Chandrababu Naidu (@ncbn) September 2, 2019