జగన్ కు చంద్రబాబు లేఖ.. ఉపాధి హామీ బిల్లులు చెల్లించాలని డిమాండ్
- IndiaGlitz, [Tuesday,October 01 2019]
టీడీపీ అధినేత చంద్రబాబు నాయుడు ఏపీ సీఎం జగన్ మోహన్ రెడ్డికి లేఖ రాశారు. ఉపాధి హామీ పనుల విషయంలో ప్రభుత్వం నిర్లక్ష్యం చేస్తోందని లేఖలో పేర్కొన్నారు. నాలుగు నెలలుగా ఉపాధి హామీ పనుల బిల్లులు, కార్మికులకు వేతనాలు చెల్లించకుండా ఇబ్బందులు పెడుతుందని అన్నారు. ఉపాధి హామీ కౌన్సిల్ సభ్యులు రాష్ట్ర మంత్రి, అధికారులకు విన్నవించినా పట్టించుకోలేదని మండిపడ్డారు. రద్దులు, కూల్చివేతలపై దృష్టిసారించిన వైసీపీ ప్రభుత్వం ప్రజాసంక్షేమాన్ని దృష్టిలో పెట్టుకోవాలని సూచించారు. కూలీల జీవనోపాధికి ఇబ్బందులు కలగకుండా... తక్షణమే నిధులు విడుదల చేయాలని డిమాండ్ చేశారు. పెండింగ్ బిల్లులను చెల్లించాలన్నారు.