కార్తికేయ సినిమాతో తొలి ప్ర‌య‌త్నంలోనే విజ‌యం సాధించి అంద‌రి దృష్టి ఆక‌ర్షించిన యువ ద‌ర్శ‌కుడు చందు మొండేటి. తాజాగా అక్కినేని నాగ చైత‌న్య‌తో ప్రేమ‌మ్ చిత్రాన్ని తెర‌కెక్కించి వ‌రుస‌గా రెండో విజ‌యాన్ని కూడా సొంతం చేసుకున్నాడు. అయితే...ప్రేమ‌మ్ రిలీజ్ కి ముందే చందు మొండేటి మూడ‌వ చిత్రాన్ని ఏ సంస్థ‌తో చేయ‌నున్నాడో ఎనౌన్స్ చేసాడు కానీ...హీరో ఎవ‌ర‌నేది మాత్రం చెప్ప‌లేదు. ఇదిలా ఉంటే...చందు మొండేటి చైత‌న్య‌తో సినిమా క‌న్నా ముందు నాగార్జున‌తో డిఫ‌రెంట్ పోలీస్ స్టోరీ తీయాల‌ని క‌థ రెడీ చేసుకున్నాడు.

ఆ టైమ్ లో నాగార్జున బిజీగా ఉండ‌డం వ‌ల‌న కుద‌ర‌లేదు. ఇప్పుడు చందుని నాగార్జున ప్రేమ‌మ్ స‌క్సెస్ మీట్ లో నాతో సినిమా చేయ‌మ‌ని స్వ‌యంగా అడిగారు. చందు కూడా నాగార్జున‌తో చేయ‌డానికి రెడీ. అయితే....యంగ్ టైగ‌ర్ ఎన్టీఆర్ కూడా చందు మొండేటితో సినిమా చేయాలి అనుకుంటున్నాడ‌ని, ఈ విష‌యం పై చందుతో చ‌ర్చ‌లు జ‌రిగాయ‌ని ప్ర‌చారం జ‌రుగుతుంది. ఇదే క‌నుక నిజ‌మైతే...చందు త‌దుప‌రి చిత్రాన్ని ఫేవ‌రేట్ హీరో కింగ్ నాగార్జున‌తో చేస్తాడో..? యంగ్ టైగ‌ర్ ఎన్టీఆర్ తో చేస్తాడో చూడాలి..!