ర‌వితేజ‌తో చంద‌మామ
- IndiaGlitz, [Wednesday,January 31 2018]
ఈ ఫిబ్రవరి 2న ర‌వితేజ 'ట‌చ్ చేసి చూడు' అంటూ ప్రేక్ష‌కుల ముందుకు రాబోతున్నాడు. ఈ సినిమా త‌ర్వాత ర‌వితేజ రెండు సినిమాలున్నాయి. అందులో ఒక‌టి క‌ల్యాణ్ కృష్ణ ద‌ర్శ‌క‌త్వంలో చేస్తున్న సినిమా చిత్రీక‌ర‌ణ ద‌శ‌లో ఉండ‌గా... వెంకీ, దుబాయ్ శీను వంటి సినిమాల‌ను డైరెక్ట్ చేసిన శ్రీనువైట్ల ద‌ర్శ‌క‌త్వంలో హ్యాట్రిక్ మూవీ చేయ‌బోతున్నాడు.
ఈ సినిమా ప్రీ ప్రొడక్ష‌న్ ప‌నులు శ‌ర‌వేగంగా జ‌రుగుతున్నాయి. ఇందులో ర‌వితేజ మూడు పాత్ర‌ల్లో క‌నిపిస్తార‌ని, దీనికి 'అమ‌ర్ అక్బ‌ర్ ఆంటోని' అనే టైటిల్ ప‌రిశీల‌న‌లో ఉంది. ప్రీ ప్రొడ‌క్ష‌న్‌లో భాగంగా హీరోయిన్స్ ఎంపిక జ‌రుగుతుంది.
ఓ హీరోయిన్‌గా నివేదా థామ‌స్ న‌టిస్తుంద‌ని వార్త‌లు వినిపించాయి. కాగా రెండో హీరోయిన్‌గా కాజ‌ల్ అగ‌ర్వాల్ న‌టిస్తుంద‌ని అంటున్నారు. గ‌తంలో వీరిద్ద‌రూ సారొచ్చారు, వీర చిత్రాల్లో జోడిగా న‌టించారు. ఇది ఇద్ద‌రికీ హ్యాట్రిక్ మూవీ అవుతుంది.