ప‌ద‌హారేళ్ల క్రితం విడుద‌లై సంచ‌ల‌న విజ‌యం అందుకున్న‌ ప‌వ‌న్ క‌ళ్యాణ్ 'ఖుషి'లో.. క‌థ‌ను మ‌లుపు తిప్పే ఓ చిన్న పాత్ర‌లో క‌నిపించి మెప్పించాడు ఆ చిత్ర ద‌ర్శ‌కుడు ఎస్‌.జె.సూర్య‌. ఇప్పుడు అదే సూర్య పూర్తి స్థాయి విల‌నిజాన్ని రుచి చూపించ‌నున్నాడు ఇక్క‌డివారికి. త‌మిళుల‌కు ఆయ‌న న‌ట‌న బాగా అల‌వాటై పోయింది కానీ.. తెలుగువారికి అంత‌గా తెలియ‌దు.

తెలుగులో ఇప్ప‌టికే సూర్య‌ విల‌న్‌గా చేసిన మ‌హేష్ చిత్రం 'స్పైడ‌ర్' ఈ నెల 27న విడుద‌ల‌వుతోంటే.. ర‌వితేజ‌తో చేయ‌నున్న కొత్త చిత్రం త్వ‌ర‌లోనే సెట్స్ పైకి వెళ్ల‌నుంది. 'స్పైడ‌ర్' తెలుగు, త‌మిళ భాష‌ల్లో ద్విభాషా చిత్రంగా తెర‌కెక్కుతుండ‌గా.. త‌మిళ చిత్రం 'బోగ‌న్' ఆధారంగా ర‌వితేజ కొత్త సినిమా రూపొంద‌నుంది. అంటే.. సూర్య విల‌న్‌గా చేస్తున్న రెండు ప్ర‌తిష్ఠాత్మ‌క చిత్రాల్లో ఒక‌టి ద్విభాషా చిత్రం అయితే, మ‌రొక‌టి రీమేక్ అన్న‌మాట‌. మొత్తానికి ఎస్‌.జె.సూర్య‌కి ఇలాంటి సినిమాలు ఛాలెంజింగ్ విష‌య‌మే.