నాగ చైత‌న్య హీరోగా గౌత‌మ్ మీన‌న్ ద‌ర్శ‌క‌త్వంలో రూపొందుతున్న చిత్రం సాహ‌సం శ్వాస‌గా సాగిపో. ఈ చిత్రంలో చైతు స‌ర‌స‌న మంజిమా మోహ‌న్ న‌టిస్తున్నారు. ఈ చిత్రం పాట‌లు మిన‌హా షూటింగ్ మొత్తం పూర్తి చేసుకుంది. ఈ చిత్రానికి ఎ.ఆర్. రెహ‌మాన్ సంగీతం అందిస్తున్నారు. నాగ చైత‌న్య న‌టిస్తున్న మ‌రో చిత్రం ప్రేమ‌మ్ కూడా శ‌ర‌వేగంగా షూటింగ్ జ‌రుపుకుంటుంది.

చందు మొండేటి తెర‌కెక్కిస్తున్న ప్రేమ‌మ్ కూడా దాదాపు షూటింగ్ పూర్తి చేసుకుంది. ఈ రెండు చిత్రాల్లో ముందుగా సాహ‌సం శ్వాస‌గా సాగిపో చిత్రాన్ని రిలీజ్ చేయ‌నున్నారు. తాజా స‌మాచారం ప్ర‌కారం...సాహ‌సం శ్వాస‌గా సాగిపో చిత్రాన్ని తెలుగు - త‌మిళ్ లో ఒకేసారి మే 27న రిలీజ్ చేయ‌డానికి ప్లాన్ చేస్తున్నారు. ఏమాయ చేసావే త‌ర్వాత చైతు - గౌత‌మ్ మీన‌న్ కాంబినేష‌న్లో రూపొందిన ఈ రొమాంటిక్ థ్రిల్ల‌ర్ సాహ‌సం శ్వాస‌గా సాగిపో పై భారీ అంచ‌నాలు ఉన్నాయి. మ‌రి..చైతు అంచ‌నాలను అందుకుంటాడ‌ని ఆశిద్దాం.