ఎన్టీఆర్ తో పోటీప‌డుతున్న చైతన్య..
- IndiaGlitz, [Saturday,May 28 2016]
యంగ్ టైగ‌ర్ ఎన్టీఆర్ నటిస్తున్న తాజా చిత్రం జ‌న‌తా గ్యారేజ్. ఈ చిత్రాన్ని కొర‌టాల శివ తెర‌కెక్కిస్తున్నారు. మైత్రీ మూవీ మేక‌ర్స్ సంస్థ ఈ చిత్రాన్ని నిర్మిస్తుంది. ఈ చిత్రంలో ఎన్టీఆర్ స‌ర‌స‌న స‌మంత, నిత్యామీన‌న్ న‌టిస్తున్నారు. మ‌ల‌యాళ సూపర్ స్టార్ మోహ‌న్ లాల్ కీల‌క పాత్ర పోషిస్తున్న జ‌న‌తా గ్యారేజ్ ప్ర‌స్తుతం చెన్నైలో షూటింగ్ జ‌రుపుకుంటుంది. ఈ చిత్రాన్ని ఆగ‌ష్టు 12న రిలీజ్ చేయ‌డానికి ప్లాన్ చేస్తున్నారు.
ఇదిలా ఉంటే...నాగ చైతన్య హీరోగా చందు మొండేటి దర్శకత్వంలో రూపొందుతున్న చిత్రం ప్రేమ‌మ్. మ‌ల‌యాళంలో సంచ‌ల‌న విజ‌యం సాధించిన ప్రేమ‌మ్ చిత్రాన్ని అదే టైటిల్ తో రీమేక్ చేస్తున్నారు. ఈ చిత్రాన్ని సితార ఎంటర్ టైన్మెంట్స్ బ్యాన‌ర పై సూర్య‌దేవ‌ర నాగ వంశీ నిర్మిస్తున్నారు. ఈ చిత్రం ఒక పాట మినిహా షూటింగ్ పూర్తి చేసుకుంది. ఈ చిత్రాన్నికూడా ఆగ‌ష్టు 12న రిలీజ్ చేయ‌డానికి ప్లాన్ చేస్తున్న‌ట్టు స‌మాచారం. ఇదే క‌నుక నిజ‌మైతే...అక్కినేని - నందమూరి ఫ్యామిలీ మూడో త‌రం క‌ధానాయ‌కులు ఒకేరోజు సినిమా రిలీజ్ చేస్తుండ‌డం విశేషం.