టాలీవుడ్ కింగ్ నాగార్జున మ‌నం, సోగ్గాడే చిన్నినాయ‌నా, ఊపిరి చిత్రాల‌తో హ్యాట్రిక్ సాధించి స‌రికొత్త రికార్డులు సృష్టిస్తున్నాడు. తాజాగా ఊపిరి చిత్రానికి ఘ‌న విజ‌యాన్ని అందించిన ప్రేక్ష‌కాభిమానుల‌కు ధ‌న్య‌వాదాలు తెలియ‌చేసేందుకు థ్యాంక్స్ మీట్ ఏర్పాటు చేసి త‌న సంతోషాన్ని అభిమానుల‌తో పంచుకున్నారు.

ఈ సంద‌ర్భంగా నాగార్జున మాట్లాడుతూ...ఇప్ప‌టి వ‌ర‌కు చైత‌న్య - అఖిల్ సినిమాల పై నేను మ‌న‌సు పెట్ట‌లేదు. ఇక నుంచి చైత‌న్య - అఖిల్ సినిమాల గురించి ఆలోచిస్తాను. నాగ చైత‌న్య హీరోగా సోగ్గాడే చిన్నినాయానా ద‌ర్శ‌కుడు క‌ళ్యాణ్ కృష్ణ ద‌ర్శ‌క‌త్వంలో ఓ చిత్రం నిర్మిస్తున్నాను. అలాగే అఖిల్ హీరోగా వంశీ పైడిప‌ల్లి ద‌ర్శ‌క‌త్వంలో రూపొందే చిత్రానికి సంబంధించి క‌థా చ‌ర్చ‌లు జ‌రుగుతున్నాయి. ఈ రెండు నెల‌లు ఈ రెండు సినిమాల ప‌నుల్లోనే ఉంటాను. ఆత‌ర్వాత రాఘ‌వేంద్ర‌రావు గారితో వెంక‌టేశ్వ‌ర స్వామి భ‌క్తుడు హ‌తిరామ్ బాబా క‌థ‌తో సినిమా చేస్తున్నాను అని చెప్పారు. మ‌రి..నాగ్ మ‌న‌సు పెట్టిన త‌ర్వాత అయినా చైతు - అఖిల్ సినిమాలు స‌క్సెస్ సాధిస్తాయ‌ని ఆశిద్దాం.