విజ‌య్‌దేవ‌ర‌కొండ లెటెస్ట్ పొలిటిక‌ల్ థ్రిల్ల‌ర్ `నోటా` అక్టోబ‌ర్ 5న విడుద‌ల‌వుతుంది. ఆనంద్ శంక‌ర్ ద‌ర్శ‌క‌త్వంలో కె.ఇ.జ్ఞాన‌వేల్ రాజా ఈ చిత్రాన్ని నిర్మించారు. ఈ సినిమాలో విజ‌య్‌దేవ‌ర‌కొండ యంగ్ సి.ఎం పాత్ర‌లో క‌న‌ప‌డ‌నున్నారు. నోటా.. న‌న్ ఆఫ్ ది అబౌవ్ అనే ఓటింగ్ మెషిన్ ఆప్ష‌న్‌ను టైటిల్‌గా పెట్ట‌డంతో విడుద‌ల‌కు ముందు సినిమా టైటిల్‌పై అభ్యంత‌రాలు వ‌చ్చాయి.

ప్ర‌జ‌ల‌ను ఓటు వేయ‌వ‌ద్ద‌ని.. నన్ ఆఫ్ ది అబౌవ్ అప్ష‌న్‌ను సెల‌క్ట్ చేసుకోమ‌ని ప్రేరేపించేదిలా ఉందంటూ ... సినిమా ఓ రాజ‌కీయ పార్టీని స‌పోర్ట్ చేసేలా ఉందంటూ ... కేసులు వేశారు కూడా. అయితే సినిమాలో అలాందేమీ లేద‌ని హీరో విజ‌య్ దేవ‌ర‌కొండ తేల్చేశాడు. సినిమా ప్రేక్ష‌కుల‌కు కొత్త ఎక్స్‌పీరియెన్స్‌ను ఇస్తుంద‌ని విజ‌య్ దేవ‌ర‌కొండ చెప్పారు. అయితే నిన్న సినిమా చూసిన సెన్సార్ స‌భ్యులు ప‌లు క‌ట్స్‌ను, మ్యూట్ డైలాగ్స్‌ను సూచించార‌ట‌. ఇప్పుడు వాటిని తొల‌గించే ప‌నిలో యూనిట్ బిజీగా ఉంది.