சென்னையின் பெருமையை எடுத்துரைக்கும் வகையில் அனிருத்தின் 'சான்ஸே இல்லை' என்பது உள்பட பல தனிப்பாடல்கள் வெளிவந்து சூப்பர் ஹிட் ஆகியுள்ளது என்பது தெரிந்ததே. இந்த நிலையில் சென்னையை அடுத்து தென்னிந்தியாவின் மான்செஸ்டர் என்ற பெருமையை கொண்ட கோவை நகரின் 'கோவை ஆன்ந்தம்' என்ற தனிப்பாடல் விரைவில் வெளிவரவுள்ளது.

பிரபல கோலிவுட் இசையமைப்பாளர்களில் ஒருவரான ஹிப்ஹாப் தமிழா ஆதி 'கோவை ஆன்ந்தம்' என்ற பாடலை தயார் செய்து வருகிறார். இந்த பாடல் கோவை மக்களின் பெருமையை கூறும் வகையில் இருக்கும் என்பதால் கோவை மக்கள் உள்பட அனைவரும் இந்த பாடலை எதிர்நோக்கி காத்திருக்கின்றனர்.

கோவை மண்ணின் பெருமைகளை கோவை மண்ணின் மைந்தன் ஹிப்ஹாப் தமிழா ஆதி கம்போஸ் செய்து பாடவுள்ளதால் இந்த பாடல் பெரும் வரவேற்பை பெறும் என்று எதிர்பார்க்கப்படுகிறது. மேலும் ஒரு கொசுறு செய்தி என்னவெனில் தளபதி 62 படத்திற்கு இசையமைக்க ஹிப்ஹாப் தமிழா ஆதியிடம் பேச்சுவார்த்தை நடந்து வருவதாக கூறப்படுகிறது. இந்த செய்தி உண்மையெனில் விஜய் ரசிகர்களுக்கு மற்றொரு இசை விருந்து காத்திருக்கின்றது என்பது குறிப்பிடத்தக்கது.