செக்க சிவந்த வானம்: சென்சார் மற்றும் ரன்னிங் டைம் தகவல்கள்
- IndiaGlitz, [Tuesday,September 18 2018]
பிரபல இயக்குனர் மணிரத்னம் இயக்கத்தில் அரவிந்தசாமி, விஜய்சேதுபதி, சிம்பு, அருண்விஜய் என நான்கு ஹீரோக்கள் முக்கிய வேடத்தில் நடித்த 'செக்க சிவந்த வானம்' திரைப்படம் வரும் 27ஆம் தேதி உலகம் முழுவதும் பிரமாண்டமாக வெளியாகவுள்ளது. இந்த நிலையில் இந்த படத்தின் சென்சார் மற்றும் ரன்னிங் டைம் தகவல்கள் தற்போது வெளிவந்துள்ளது
இந்த படத்திற்கு சென்சார் அதிகாரிகள் 'யூஏ' சான்றிதழ் அளித்துள்ளனர். மேலும் இந்த படம் 143 நிமிடங்கள் அதாவது 2 மணி நேரம் 23 நிமிடங்கள் ஓடும் வகையில் உள்ளது. ஒரு ஆக்சன் படத்திற்கு உரிய சரியான நீளத்தில் படம் உள்ளது என்பது குறிப்பிடத்தக்கது.
ஆஸ்கார் நாயகன் ஏ.ஆர்.ரஹ்மான் இசையில் சந்தோஷ் சிவன் ஒளிப்பதிவில், ஸ்ரீகர் பிரசாத் படத்தொகுப்பில் உருவாகி வரும் இந்த படத்தில் அரவிந்தசாமி, விஜய்சேதுபதி, சிம்பு, அருண்விஜய், ஜோதிகா, அதிதிராவ் ஹைதி, ஐஸ்வர்யா ராஜேஷ், டயானா எரப்பா, பிரகாஷ்ராஜ், ஜெயசுதா உள்ளிட்ட பலர் நடித்துள்ளனர். மெட்ராஸ் டாக்கீஸ் மற்றும் லைகா நிறுவனங்கள் இணைந்து இந்த படத்தை பிரமாண்டமாக தயாரித்துள்ளன.