CCL 2023: താരസംഘടനയായ അമ്മയും മോഹൻലാലും പിൻമാറി
- IndiaGlitz, [Monday,February 27 2023]
സെലിബ്രിറ്റി ക്രിക്കറ്റ് ലീഗിൽ നിന്ന് താരസംഘടനയായ അമ്മയും മോഹൻലാലും പിൻമാറി. നോൺ പ്ലേയിങ് ക്യാപ്റ്റൻ സ്ഥാനത്ത് നിന്ന് പിൻമാറിയ മോഹൻലാൽ തൻ്റെ ചിത്രങ്ങൾ സിസിഎല്ലിന് ഉപയോഗിക്കരുതെന്നും നിർദേശിച്ചു. സിസിഎൽ 3 യുടെ ആദ്യ ഘട്ടത്തിൽ ഉപയോഗിച്ച ചിത്രങ്ങൾ മോഹൻലാലിൻ്റെ നിർദേശത്തെ തുടർന്ന് ടീം നീക്കം ചെയ്തു. കുഞ്ചാക്കോ ബോബനും ഉണ്ണി മുകുന്ദനും നയിക്കുന്ന കേരള സ്ട്രൈക്കേഴ്സിനും അമ്മ താരസംഘടനയുമായി യാതൊരു ബന്ധവുമില്ലെന്ന് ഇടവേള ബാബു വ്യക്തമാക്കി. ടീം മത്സരിക്കുന്നത് സ്വന്തം നിലയ്ക്കെന്നു താരസംഘടനയുടെ ജനറൽ സെക്രട്ടറി കൂട്ടിച്ചേർത്തു. ടൂർണമെന്റിൻ്റെ സംഘാടകരുമായിട്ടുള്ള ഭിന്നതയാണ് സിസിഎല്ലിൽ നിന്നുള്ള പിൻമാറ്റമെന്ന് അമ്മയുടെ ജനറൽ സെക്രട്ടറിയായ ഇടവേള ബാബു പറഞ്ഞു. നേരത്തെ ടീമിൻ്റെ നോൺ പ്ലേയിങ് ക്യാപ്റ്റൻ ആയിരുന്നു മോഹൻലാൽ. തമിഴ് ചലച്ചിത്രതാരം രാജ്കുമാർ സേതുപതി, ഭാര്യ ശ്രിപ്രിയ, ഷാജി ജെയ്സൻ എന്നിവരാണ് ഇപ്പോൾ കേരള സ്ട്രൈക്കേഴ്സിന്റെ ഉടമസ്ഥർ.