தளபதி விஜய் நடித்த 'மெர்சல்' திரைப்படம் கடந்த சில நாட்களுக்கு முன்னர் சென்சாருக்கு சென்று 'யூ/ஏ சான்றிதழ் பெற்றது என்பது அனைவரும் அறிந்ததே

இந்த நிலையில் இந்த படத்திற்கு சென்சார் சான்றிதழ் இன்னும் தயாரிப்பாளரிடம் வழங்கப்படவில்லை என்ற தகவல் தற்போது வெளிவந்துள்ளது.

படம் வெளியாக இன்னும் நான்கு நாட்களே உள்ள நிலையில் 'விலங்குகள் நல வாரியத்திடம் இருந்து NOC சான்றிதழ் இன்னும் கிடைக்கப் பெறாததால் சென்சார் சான்றிதழ் தயாரிப்பாளருக்கு வழங்கப்படவில்லை என தெரிகிறது.

'மெர்சல்' இசை வெளியீட்டு விழாவில் 'இந்த உலகத்துல நம்மள அத்தனை எளிதா வாழ விடமாட்டாங்க' என்று விஜய் கூறியது போல் இந்த படத்திற்கு தடைகள் மேல் தடையாக வந்து கொண்டிருக்கின்றது. இருப்பினும் இத்தனை தடைகளை தகர்த்து முன்னேறியுள்ள இந்த படம் இந்த தடையையும் சமாளித்து கம்பீரமாக தீபாவளி அன்று திரைக்கு வரும் என்ற நம்பிக்கை ஒவ்வொரு விஜய் ரசிகர்களிடமும் உள்ளது.