హన్సిక స్థానంలో క్యాథరిన్...
- IndiaGlitz, [Sunday,August 27 2017]
హీరోయిన్ క్యాథరిన్..స్పెష‌ల్ సాంగ్స్‌, సెకండ్ హీరోయిన్ పాత్ర‌ల్లో కూడా అల‌రిస్తుంది. త‌న‌కు కాన్సెప్ట్ న‌చ్చితే చాలు సెకండ్ హీరోయిన్‌గానా, లేక స్పెష‌ల్ సాంగ్ అని ఆలోచించుకోను, చేయ‌డానికి సిద్ధ‌ప‌డిపోతానని ఓ ఇంట‌ర్వ్యూలో తెలియ‌జేసింది. తాజా స‌మాచారం ప్ర‌కారం క్యాథరిన్ క్రేజీ ప్రాజెక్ట్‌లో హీరోయిన్‌గా ఎంపికైంది. అది కూడా మాస్ మ‌హారాజా ర‌వితేజ ప‌క్క‌న. త‌మిళంలో జ‌యం ర‌వి, అర‌వింద్‌స్వామి, హన్సిక కాంబినేష‌న్లో రూపొందిన త‌మిళ చిత్రం భోగ‌న్ సినిమా రీమేక్‌లో.
త‌మిళంలో విడుద‌లైన భోగ‌న్ మంచి విజ‌యాన్నే అందుకుంది. రామ్ తాళ్లూరి నిర్మాత‌గా ఈ సినిమా తెలుగులో రూపొంద‌నుంది. త‌మిళ ద‌ర్శ‌కుడు ల‌క్ష్మ‌ణ్ తెలుగులో సినిమా తెర‌కెక్కిస్తాడు. సినిమా ప్రీ ప్రొడ‌క్ష‌న్ వ‌ర్క్ స్టార్ట్ అయ్యింది. అందులో భాగంగా త‌మిళంలో హన్సిక స్థానంలో క్యాథ‌రిన్‌ను తీసుకున్నార‌ట నిర్మాత‌లు. క్యాథరిన్ గ్లామ‌ర్‌తో పాటు పెర్ఫామెన్స్‌కు స్కోప్ ఉన్న చిత్ర‌మిది.