మెగాప‌వ‌ర్ స్టార్ రామ్‌చ‌ర‌ణ్‌, మాస్ డైరెక్ట‌ర్ బోయ‌పాటి శ్రీను కాంబినేష‌న్‌లో తెర‌కెక్కుతో్న చిత్రం 'విన‌య విధేయ రామ‌'. డి.పార్వ‌తి స‌మ‌ర్ప‌ణ‌లో డి.వి.వి.ఎంట‌ర్‌టైన్‌మెంట్స్ బ్యాన‌ర్‌పై అగ్ర నిర్మాత దాన‌య్య డి.వి.వి ఈ చిత్రాన్ని నిర్మిస్తున్నారు. బాలీవుడ్ బ్యూటీ కియ‌రా అద్వాని హీరోయిన్‌గా న‌టిస్తున్న ఈ చిత్రంలో ప్ర‌శాంత్‌, ఆర్య‌న్ రాజేశ్‌, స్నేహ, వివేక్ ఒబెరాయ్ త‌దిత‌రులు ప్ర‌ధాన తారాణంగా న‌టిస్తున్నారు.

భారీ బ‌డ్జెట్‌తో రూపొందుతోన్న ఈ యాక్ష‌న్ ఎంట‌ర్‌టైన‌ర్‌ను 2019 సంక్రాంతికి ఈ చిత్రాన్ని విడుద‌ల చేస్తున్నారు. టాకీ పార్ట్ చిత్రీక‌ర‌ణ పూర్త‌య్యింది. డిసెంబ‌ర్ 10 నుండి హైద‌రాబాద్‌లో భారీ సెట్‌లో ఓ పాటను చిత్రీక‌రించ‌బోతున్నారు. ఈ స్పెష‌ల్ సాంగ్‌లో హీరోయిన్ కోసం చిత్ర యూనిట్ తెగ ప్ర‌య‌త్నాలు చేస్తుంది.

ఇలియానాను సంప్ర‌దించిన‌ట్లు, ఆమె భారీ మొత్తాన్ని డిమాండ్ చేసిన‌ట్లు వార్త‌లు విన‌ప‌డ్డాయి. మ‌రో సంద‌ర్భంలో హీరో, హీరోయిన్‌ పైనే చేసేస్తార‌నే వార్త‌లు కూడా వినిపించాయి. తాజాగా ఈ స్పెష‌ల్ సాంగ్‌లో క్యాథరిన్‌ను ఓకే చేశాడ‌ట బోయ‌పాటి శ్రీను. బోయ‌పాటి ద‌ర్శ‌క‌త్వంలో వ‌చ్చిన స‌రైనోడు, జ‌య‌జాన‌కి నాయ‌క చిత్రాల్లో క్యాథరిన్ న‌టించింది. ఇప్పుడు అంతా ఒకే అయితే మూడోసారి క‌లిసి వ‌ర్క్ చేసిన‌ట్లు అవుతుంది.