சிவகார்த்திகேயன், நயன்தாரா நடிப்பில் இயக்குனர் ராஜேஷ் எம் இயக்கி வந்த படத்தின் படப்பிடிப்பு முடிவடைந்து தற்போது போஸ்ட் புரடொக்சன்ஸ் பணிகள் நடந்து வருகிறது. இந்த படத்தின் டீசர், டிரைலர், மற்றும் ரிலீஸ் தேதி விரைவில் அறிவிக்கப்படும் என தெரிகிறது.

இந்த நிலையில் 'இரும்புத்திரை' இயக்குனர் பி.எஸ்.மித்ரன் இயக்கத்தில் சிவகார்த்திகேயன் நடிக்கவுள்ளார் என்பதை ஏற்கனவே பார்த்தோம். இந்த படத்தின் ஆரம்பகட்ட பணிகள் விறுவிறுப்பாக நடந்து வருகிறது.

இந்த நிலையில் இந்த படத்தில் நடிக்க 6 முதல் 8 வயது வரையிலான குழந்தைகளுக்கும், 7 முதல் 16 வயது வரையிலான பள்ளி சிறுவர் சிறுமிகளுக்கும், 17 முதல் 21 வயது வரையிலான கல்லூரி மாணவ, மாணவிகளுக்கும் அழைப்பு விடுக்கப்பட்டுள்ளது. இதன்மூலம் இந்த படத்தில் அதிக குழந்தை நட்சத்திரங்கள் மற்றும் பள்ளி, கல்லூரி மாணவர்கள் நடிக்க வாய்ப்பு உள்ளது.

சிவகார்த்திகேயன் - அர்ஜூன் முதன்முதலாக இணைந்து நடிக்கும் இந்த படத்திற்கு யுவன்ஷங்கர் ராஜா இசையமைக்கவுள்ளார். 24 ஏம் ஸ்டுடியோஸ் நிறுவனம் தயாரிக்கும் இந்த படத்திற்கு ஜார்ஜ் வில்லியம்ஸ் ஒளிப்பதிவும், ரூபன் படத்தொகுப்பு பணியும் செய்யவுள்ளனார்.