ரஜினியின் அடுத்த படத்தில் நடிக்க புதுமுக நட்சத்திரங்கள் தேவை.. லைகா அறிவிப்பு..!
- IndiaGlitz, [Thursday,August 03 2023]
சூப்பர் ஸ்டார் ரஜினிகாந்த் நடிப்பில் உருவாகி வரும் ’லால் சலாம்’ என்ற திரைப்படத்தை லைகா நிறுவனம் தயாரித்துள்ள நிலையில் அவர் நடிக்க இருக்கும் அடுத்த திரைப்படத்தையும் லைகா நிறுவனம் தான் தயாரிக்க உள்ளது என்பதையும் இந்த படத்தை ’ஜெய்பீம்’ இயக்குனர் ஞானவேல் இயக்க உள்ளார் என்பதையும் ஏற்கனவே பார்த்தோம்.
ரஜினியின் 170 வது படமாக அமைய இருக்கும் இந்த படத்தின் படப்பிடிப்பு விரைவில் தொடங்க உள்ளதாக தெரிகிறது. மேலும் இந்த படத்தில் ரஜினிக்கு வில்லனாக விக்ரம் நடிக்க இருப்பதாகவும் இந்த படத்தில் ரஜினி ஓய்வு பெற்ற போலீஸ் அதிகாரியாக நடிக்க இருப்பதாகவும் இது ஒரு போலி என்கவுண்டர் கதையம்சம் கொண்டது என்றும் கூறப்படுகிறது.
’ஜெய்பீம்’ போலவே இந்த படத்திலும் ஒரு முக்கியமான சமூக கருத்து இருக்கும் என்றும் இந்த படம் ரஜினியின் திரையுலக வாழ்வில் ஒரு முக்கியமான படமாக இருக்கும் என்றும் கூறப்பட்டது.
இந்த நிலையில் இந்த படத்தில் நடிப்பதற்கு புதுமுக நட்சத்திரங்கள் தேவை என லைகா விளம்பரம் வெளியிட்டுள்ளது. லைகா நிறுவனம் தயாரிக்கும் ஞானவேல் இயக்கும் திரைப்படத்திற்கு முதற்கட்டமாக நாடகத்துறையிலும் திரைப்பட பயிற்சி பள்ளி மற்றும் கல்லூரியில் நடிப்பு பயிற்சி பெற்றவர்கள் மட்டும் விண்ணப்பிக்கும்படி லைகா அந்த விளம்பரத்தில் தெரிவித்துள்ளது.
விண்ணப்பிக்க விரும்பும் நபர்கள் தங்களுடைய புகைப்படம் முழு விவரங்களை லைகா நிறுவனத்திற்கு அனுப்ப வேண்டும் என்றும் கேட்டுக் கொள்ளப்பட்டுள்ளது.
Casting call! 📢🎭 If you're a trained theatre artiste or a trained actor from a renowned film institute, here's your chance to showcase your skills in director @tjgnan's next film with Lyca Productions! 🤗
— Lyca Productions (@LycaProductions) August 3, 2023
Send your portfolios, including recent photos and videos of acting… pic.twitter.com/OC6hAWNX4O