మణిశర్మ ఇంట్లో చోరీ...
- IndiaGlitz, [Monday,February 05 2018]
ప్ర‌ముఖ టాలీవుడ్ సంగీత ద‌ర్శ‌కుడు మణిశర్మ ఇంట్లో చోరీ జ‌రిగిందని పోలీసుల‌కు పిర్యాదు అందింది. వివ‌రాల్లోకెళ్తే.. గ‌త నెల 27న మణిశర్మ చెన్నై వెళ్లారు. వెళుతూ ఇంట్లో నాలుగు ల‌క్ష‌ల రూపాయ‌ల న‌గ‌దు బీరువాలో భ‌ద్ర‌ప‌రిచారు. ఈ నెల 2న మణిశర్మ హైద‌రాబాద్ చేరుకున్నారు. ఏదో అవ‌స‌రార్థం బీరువా తెర‌చి చూడ‌గా అందులో నాలుగు ల‌క్ష‌లు మాయ‌మైన‌ట్లు గుర్తించారు. త‌న వ్య‌క్తిగ‌త స‌హాయ‌కుడు వెంక‌టేశ్‌పై అనుమానం ఉండ‌టంతో త‌న మేనేజ‌ర్ సుబ్బానాయుడు స‌హకారంతోపోలీసులకు పిర్యాదు చేశారు మణిశర్మ. పోలీసులు నిందితుడిని అదుపులోకి తీసుకుని విచార‌ణ చేస్తున్నారు.