హీరో సూర్యపై కేసు నమోదు....
- IndiaGlitz, [Wednesday,June 01 2016]
24 చిత్రంతో స‌క్సెస్ అందుకున్న హీరో సూర్యపై చెన్నైలో కేసు న‌మోదైంది. చెన్నై టి.న‌గ‌ర్‌కు చెందిన లెనిన్ అనే యువ‌కుడు త‌న స్నేహితుడితో క‌లిసి ఆడ‌యార్ ప్రాంతంలో వెళుతుండ‌గా వీరి ముందు వెళ్తున్న కారు సడ‌న్ బ్రేకు వేయ‌డంతో వారు కారును వారు ఢీ కొన‌డం జ‌రిగింది. కారు న‌డిపిన మ‌హిళ‌తో మాట్లాడుతుండ‌గా అటుగా వ‌చ్చిన హీరో సూర్య లెనిన్, అత‌ని స్నేహితుడిని కొట్టాడ‌ని వారు కేసు నమోదు చేశారు. కానీ చెన్నై వ‌ర్గాల ప్ర‌కారం అడ‌యార్ బ్రిడ్జ్ ద‌గ్గ‌ర లెనిన్, అత‌ని స్నేహితుడు ఓ మ‌హిళ‌తో గొడ‌వ ప‌డి ఆమెపై దాడికి ప్ర‌య‌త్నిస్తున్న‌ప్పుడు అటుగా వెళ్తున్న హీరో సూర్య వారిని అడ్డుకుని మ‌హిళ‌ను కాప‌డాడ‌ని స‌మాచారం. పోలీసులు కేసు పూర్వాప‌లాల‌ను ప‌రిశీలిస్తున్నారు.