శ్రీముఖికి అనుకోని షాక్...పోలీస్ కేసు
- IndiaGlitz, [Tuesday,May 05 2020]
ప్ర‌ముఖ యాంక‌ర్ శ్రీముఖికి అనుకోని షాక్ త‌గిలింది. న‌ల్ల‌కుంట్ల‌కు చెందిన వెంక‌ట‌ర‌మ‌ణ శ‌ర్మ అనే వ్య‌క్తి శ్రీముఖిపై ఫిర్యాదు చేశారు. ఇంత‌కు ఆమెపై ఫిర్యాదు ఎందుకు చేశారు? అనే వివ‌రాల్లోకెళ్తే.. జెమినీ టీవీలో ప్ర‌సార‌మ‌య్యే జూల‌క‌ట‌క అనే కార్య‌క్ర‌మంలో బ్రాహ్మ‌ణుల‌ను కించ‌ప‌రిచేలా వ్యాఖ్యలు చేసేలా కార్య‌క్ర‌మం చేశార‌ని పేర్కొంటూ బంజారాహిల్స్ పోలీస్ స్టేష‌న్‌లో ఫిర్యాదు చేశారు. కేసును న‌మోదు చేసుకున్న పోలీసులు ద‌ర్యాప్తు చేస్తున్నారు.
యాంక‌ర్ శ్రీముఖి గురించి ప్ర‌త్యేకంగా చెప్ప‌న‌క్క‌ర్లేదు. ఆమెకు సోషల్ మీడియాలో ప్ర‌త్యేక‌మైన ఫ్యాన్ ఫాలోయింగ్ ఉంది. ఆమె ప్రోగ్రామ్స్‌కు అభిమానులుంటారు. ప‌లు షోస్‌కు ఈమె వ్యాఖ్యాత‌గా కూడా వ్య‌వ‌హ‌రిస్తుంటారు. గత ఏడాది తెలుగు రియాలిటీ షో బిగ్‌బాస్ సీజ‌న్ లో పాల్గొన్నారు. చాటా గ‌ట్టి పోటీని త‌ట్టుకుని అనుకోని విధంగా ఫైన‌ల్‌కు చేరుకున్నారు. ఓ ద‌శ‌లో ఈమె బిగ్‌బాస్ విజేత‌గా నిలుస్తుందంటూ కూడా వార్తలు వినిపించాయి. అయితే చివ‌ర‌కు రాహుల్ సిప్లిగంజ్ విన్న‌ర్‌గా నిల‌వ‌డం, శ్రీముఖి ర‌న్న‌ర‌ప్‌గా నిలిచింది. అయితే కూడా శ్రీముఖి ఏమాత్రం త‌గ్గ‌లేదు. బిగ్‌బాస్ వ‌ల్ల ఆమె క్రేజ్ మ‌రింత పెరిగింది. మ‌రిన్ని షోస్‌కు శ్రీముఖి యాంక‌రింగ్ చేసే అవ‌కాశం ద‌క్కింది.