రానా, ప్రకాష్ రాజ్ లపై కేసు..
- IndiaGlitz, [Saturday,October 22 2016]
సినీ సెల‌బ్రిటీలు అంటే కాస్తా జాగ్ర‌త్త‌గా ఉండాలి. ప‌ర్స‌న‌ల్ లైఫ్ వేరే అనుకోండి..కానీ వారు బ‌య‌ట చేస్తున్న ప‌నులను చాలా మంది గ‌మ‌నిస్తూనే ఉంటారు. వారి ఫాలోవర్స్‌ను వారు ప్ర‌భావితం చేస్తూనే ఉంటారు. సాధార‌ణంగా డ‌బ్బు కోసం సినిమాల‌తో పాటు క‌మ‌ర్షియ‌ల్ యాడ్స్‌లో కూడా న‌టీన‌టులు న‌టిస్తున్నారు. అందులో భాగంగా ఇప్పుడు అన్‌లైన్ ర‌మ్మీకి చెందిన క‌మ‌ర్షియ‌ల్ యాడ్ బాగా ప్ర‌సారం అవుతుంది. ఈ యాడ్‌లో ద‌గ్గుబాటి రానా, ప్ర‌కాష్‌రాజ్‌లు న‌టించారు. పేకాట ఆడ‌ట‌మే అన‌ర్థం అలాంటప్పుడు ర‌మ్మీ ఆన్‌లైన్ యాడ్‌లో న‌టించి యువ‌త‌ను ప‌క్క‌దారి ప‌ట్టించే అవ‌కాశాలను క‌ల్పిస్తున్నార‌ని కోయంబ‌త్తూరుకి చెందిన ఓ సామాజిక కార్య‌క‌ర్త రానా, ప్రకాష్ రాజ్‌ల‌పై కేసు వేశారు. మ‌రిప్పుడు దీనిపై రానా, ప్రకాష్ రాజ్‌లు ఎలా స్పందిస్తారో చూడాలి.