స్టార్ హీరో అల్లుఅర్జున్ కారు డ్రైవ‌ర్‌పై జూబ్లీహిల్స్ పోలీసులు కేసు న‌మోదైంది. వివ‌రాల్లోకెళ్తే..అల్లుఅర్జున్ , శ‌నివారం జూబ్లీహిల్స్‌లోని మొకాబాక్‌కు వెళ్ళారు. అల్లుఅర్జున్ కారును ఆయ‌న డ్రైవ‌ర్ మ‌హిపాల్ రోడ్డు ప‌క్క‌న పార్క్ చేశాడు. అదే స‌మయంలో క్యాబ్ డ్రైవ‌ర్ రామ‌కృష్ణ కారును రివ‌ర్స్ తీస్తూ అల్లుఅర్జున్ కారును ఢీకొట్టాడు.

అక్క‌డ చిన్న‌పాటి గొడ‌వ కాగా క్యాబ్ డ్రైవ‌ర్ రామ‌కృష్ణ స్పాట్‌లో కొంత న‌ష్ట ప‌రిహారం చెల్లించి త‌న కారును తీసుకెళ్ళాడు. అయితే మ‌హిపాల్ మ‌రుస‌టి అంటే ఆదివారం ఉద‌యం రామ‌కృష్ణ‌తో కారు డ్యామేజికి రెండు ల‌క్ష‌లు ఖ‌ర్చు అవుతుంద‌ని అన్నాడ‌ని, తన ఆర్ధిక ప‌రిస్థితి అంతంత మాత్ర‌మేన‌ని చెప్పిన వినిపించుకోకుండా గొడ‌వ‌ప‌డి బ‌ల‌వంతంగా త‌న కారును తీసుకెళ్ళార‌ని పోలీసుల‌కు పిర్యాదు చేశాడు. దీంతో జూబ్లీ హిల్స్ పోలీసులు విచార‌ణ చేప‌ట్టారు.