சென்னை தி.நகரில் திடீரென பற்றி எரிந்த கார்கள்
- IndiaGlitz, [Monday,April 22 2019]
சென்னை தி.நகரில் பிசியாக உள்ள ஜி.என்.செட்டி சாலையில், சாலையோரமாக நிறுத்தி வைக்கப்பட்டிருந்த கார்கள் திடீரென தீப்பற்றி எரிந்ததால் அந்த பகுதியில் பெரும் பரபரப்பு ஏற்பட்டது.
சென்னை ஜி.என்.செட்டி சாலையில் மாருதி எஸ் கிராஸ் வாகனம் ஒன்று பழுதாகி நின்றுள்ளது. அதனை மெக்கானிக் ஒருவர் பழுது பார்த்து கொண்டிருக்கும் போது திடீரென அந்த வாகனம் தீப்பற்றி எரிந்தது. மேலும் தீ மளமளவென அருகில் இருந்த ஹூண்டாய் ஐ.10 வாகனத்திற்கும் பரவியது.
இந்த் தீவிபத்து குறித்த தகவல் அறிந்ததும் தேனாம்பேட்டை மற்றும் தியாகராய நகரில் இருந்து வந்த தீயணைப்பு காவலர்கள் சில நிமிடங்கள் போராடி தீயை அணைத்தனர்.