தேமுதிக தலைவர் விஜயகாந்த் அமெரிக்காவில் சிகிச்சை பெற்று சென்னை திரும்பிய பின்னர் முதல்முறையாக ஒரு வரியில் பதில் சொல்லும் பேட்டி ஒன்றை அளித்துள்ளார். இந்த பேட்டியின் வீடியோ அவருடைய டுவிட்டர் பக்கத்தில் வெளியாகியுள்ளது. அந்த பேட்டி இதோ:

நேர்காணல் செய்தவர்: வணக்கம் கேப்டன்

விஜயகாந்த்: வணக்கம் சார்

நேர்காணல் செய்தவர்: எப்படி இருக்கீங்க கேப்டன்?

விஜயகாந்த்: நல்லா இருக்கேன் சார் நான்

நேர்காணல் செய்தவர்: உடல்நிலை எல்லாம் எப்படியிருக்கு?

விஜயகாந்த்: உடல்நிலை எல்லாம் நல்லாயிருக்கு

நேர்காணல் செய்தவர்: அமெரிக்கா போயிட்டு வந்ததுக்கு அப்புறம் எந்த அளவுக்கு முன்னேற்றம் இருக்கு?

விஜயகாந்த்: நல்லாயிருக்கேன்... நல்லாயிருக்கேன்

நேர்காணல் செய்தவர்: தமிழக மக்கள் எல்லாருமே இந்தத் தேர்தலைப் பொறுத்த அளவுக்கு, மற்ற பிரச்சாரங்களை விட தேமுதிக தலைவர் எப்போது வருவார், என்ன பேசுவார் என்று காத்துட்டு இருக்காங்க?

விஜயகாந்த்: கூடிய விரைவில் வருவேன் சார். என்ன பேசுவேன் என்பதை அங்கு வந்து கேட்கச் சொல்லுங்கள்

நேர்காணல் செய்தவர்: தொடர்ச்சியா பிரச்சாரத்துக்குப் போவீங்க?

விஜயகாந்த்: அது டாக்டர் அட்வைஸ் படி தான் செய்ய முடியும்.

நேர்காணல் செய்தவர்: இப்போ அதிமுக - தேமுதிக கூட்டணி எப்படியிருக்கு கேப்டன்

விஜயகாந்த்: அதிமுக கூட்டணி தான் ஜெயிக்கும்; திமுக கூட்டணி தோற்கும்

நேர்காணல் செய்தவர்: ஏன் திமுக கூட்டணி தோற்கும் என்று சொல்கிறீர்கள்?

விஜயகாந்த்: திமுக - தில்லு முல்லு கட்சி

நேர்காணல் செய்தவர்: அதிமுகவுக்கும், திமுகவுக்கும் இடையேயான போட்டி எப்படியிருக்கு கேப்டன்?

விஜயகாந்த்: தர்மத்துக்கும், அதர்மத்துக்கும் நடக்கின்ற போட்டி

நேர்காணல் செய்தவர்:அதில் நிச்சயமாக அதிமுக - தேமுதிக வெற்றி.. (என முடிக்கும் முன்பே)

விஜயகாந்த்: தர்மம் தான் ஜெயிக்கும்... தர்மம் தான் ஜெயிக்கும்.

நேர்காணல் செய்தவர்: பிரதமர் மோடியைப் பற்றி என்ன நினைக்கிறீங்க?

விஜயகாந்த்: மோடி நல்லவர். அவர் மீண்டும் ஆட்சிக்கு வர வேண்டும்.

நேர்காணல் செய்தவர்: தேமுதிக தொண்டர்களுக்கு நீங்கள் சொல்ல விரும்புவது என்ன?

விஜயகாந்த்: நல்லா உழைக்க வேண்டும்; 40-ம் ஜெயிக்க வேண்டும் என்று கேட்டுக் கொள்கிறேன்.
 

தேமுதிகவினர் நன்றாக உழைத்து, 40 பாராளுமன்ற தொகுதிகளிலும் நமது கூட்டணி வெற்றி பெற பாடுபட வேண்டும் என்று கேட்டுக்கொள்கிறேன். #நாடாளுமன்றதேர்தல் |#நாளைநமதே | #நாற்பதும்நமதே pic.twitter.com/QgDMCnFv0m

— Vijayakant (@iVijayakant) April 8, 2019