கேப்டன் விஜயகாந்துக்கு செயற்கை சுவாசமா? ரசிகர்கள், தொண்டர்கள் அதிர்ச்சி..!
- IndiaGlitz, [Monday,November 20 2023]
நடிகரும், தேமுதிக தலைவருமான விஜயகாந்த்துக்கு செயற்கை சுவாசம் அளித்து வருவதாக தகவல் வெளியாகி இருப்பது அவரது ரசிகர்களுக்கும் தேமுதிக கட்சி தொண்டர்களுக்கும் பெறும் அதிர்ச்சியை ஏற்படுத்தியுள்ளது.
கடந்த சில ஆண்டுகளாக விஜயகாந்த் உடல்நல குறைவு காரணமாக சிகிச்சை பெற்று வருகிறார் என்பதும் அவரது உடல்நிலை அவ்வப்போது சீராகி வருவதாகவும் தகவல்கள் வெளியாகின.
இந்த நிலையில் கடந்த இரண்டு நாட்களுக்கு முன் சென்னையில் உள்ள தனியார் மருத்துவமனையில் விஜயகாந்த் அனுமதிக்கப்பட்ட நிலையில் தற்போது அவருக்கு செயற்கை சுவாசம் அளிக்கப்பட்டு வருவதாக தகவல் வெளியாகியுள்ளன
அது மட்டும் இன்றி மார்புசளியால் இடைவிடாது இருமல் வந்து கொண்டிருப்பதன் காரணமாக அவருக்கு மருத்துவர்கள் சிகிச்சை அளித்து வருகின்றனர். இருப்பினும் அவர் இன்று அல்லது நாளை டிஸ்சார்ஜ் செய்யப்பட்டு வீடு திரும்புவார் என மருத்துவமனை வட்டாரங்கள் கூறுகின்றன.