தனுஷ் நடிப்பில் அருண் மாதேஸ்வரன் இயக்கத்தில் ஜிவி பிரகாஷ் இசையில் சத்யஜோதி பிலிம்ஸ் நிறுவனத்தின் தயாரிப்பில் உருவாகியுள்ள திரைப்படம் ’கேப்டன் மில்லர்’. இந்த படத்தின் படப்பிடிப்பு முடிவடைந்து தற்போது இறுதி கட்ட போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது.

இந்த படம் வரும் பொங்கல் தினத்தில் வெளியாகும் என ஏற்கனவே அதிகாரபூர்வமாக அறிவிக்கப்பட்ட நிலையில் இந்த படத்தின் புரமோஷன் பணிகளும் நடைபெற்று வருகிறது. ஏற்கனவே இந்த படத்தில் இடம்பெற்ற முதல் சிங்கிள் பாடல் வெளியாகி நல்ல வரவேற்பை பெற்ற நிலையில் சற்றுமுன் இந்த படத்தில் இடம்பெற்ற இரண்டாவது சிங்கிள் பாடல் வெளியாகியுள்ளது.

இசையமைப்பாளர் சீன் ரோல்டன் பாடிய இந்த பாடலை கபீர் வாசுகி எழுதியுள்ளார் என்பதும் ஜிவி பிரகாஷ் கம்போஸ் செய்த இந்த மெலோடி பாடல் முதல் முறை கேட்கும்போதே மனதை கவரும் வகையில் உள்ளது என்றும் ரசிகர்கள் தெரிவித்து வருகின்றனர்.

தனுஷ், பிரியங்கா மோகன், சிவராஜ்குமார், சந்தீப் கிஷான் உள்ளிட்ட பலர் நடித்துள்ள இந்த படம் ரசிகர்களின் மிகப்பெரிய எதிர்பார்ப்பை ஏற்படுத்தி உள்ள படங்களில் ஒன்று என்பது குறிப்பிடத்தக்கது. இந்த பாடலின் அசத்தலான வரிகள் இதோ:

உன் ஒளியிலே என் நிழல் விரியுதெ
உன் வெளிச்சத்திலே என் இருள் புரியுதே

சில கோணத்தில் சதி ஆகுதே
நீதி விதிபோல் விளையாடுதே
சில நேரத்தில் பழியாகுதே
இதயம் கிழித்து வில பேசுதே
உன் கருணையில் என் வெறி தெரியுதே
உன் அருகிலே ஆறுதல் இயலுதே

ஆறாத காயங்கள் கரம் போகுதே
மாறாத சாயங்கள் மனம் ஏற்குதே
போகாத தூரங்கள் என்னை ஈர்க்குதே
துண்டித்த காத்தாடி நான்

உன் ஒளியிலே என் நிழல் விரியுதெ
உன் வெளிச்சத்திலே என் இருள் புரியுதே