ప్ర‌పంచ వ్యాప్తంగా సంచ‌ల‌నం సృష్టించిన తెలుగు సినిమా బాహుబ‌లి. ప్ర‌భాస్, రానా, అనుష్క‌, త‌మ‌న్నా, ర‌మ్య‌కృష్ణ.. ప్ర‌ధాన పాత్ర‌ల్లో రాజ‌మౌళి తెర‌కెక్కించిన బాహుబ‌లి సినీ విమ‌ర్శ‌కుల ప్ర‌శంస‌ల‌తో పాటు రికార్డు స్ధాయి కలెక్ష‌న్స్ సొంతం చేసుకుంది. ఇప్పుడు బాహుబ‌లి కేన్స్ చ‌ల‌న చిత్రోత్స‌వంలో సంద‌డి చేసింది.

నిన్న రాత్రి 8.30 నిమిషాల‌కు అంటే... భార‌త కాల‌మానం ప్ర‌కారం రాత్రి 12.30 నిమిషాల‌కు బాహుబ‌లి చిత్రాన్ని కేన్స్ చ‌ల‌న చిత్రోత్స‌వంలో ప్ర‌ద‌ర్శించారు. అంత‌కు ముందు అక్క‌డి నెక్ట్స్ పెవిలియ‌న్ లో వ‌ర్చువ‌ల్ రియాలిటీ ఫ్యాన‌ల్ చ‌ర్చ జ‌రిగింది. ఈ చ‌ర్చా కార్య‌క్ర‌మంలో డైరెక్ట‌ర్ రాజ‌మౌళి, నిర్మాత శోభు యార్ల‌గ‌డ్డ‌, రేడియ‌న్ టెక్నాలిజీ గ్రూప్ ఏఎండీ సీనియ‌ర్ వైస్ ప్రెసిడెంట్ రాజా కోడూరి పాల్గొన్నారు.