'சர்கார்' படத்தின் கதைப்பிரச்சனை சுமூகமாக முடிவடைந்துவிட்டாலும் தினமும் 'சர்கார்' படத்திற்கு புதிது புதிதாக பிரச்சனைகள் கிளம்பி வருகிறது

அந்த வகையில் சர்கார்' படத்திற்கு மதுரையில் உள்ள திரையரங்குகள் அதிக கட்டணங்களை வசூல் செய்து வருவதாக உசிலம்பட்டியை சேர்ந்த மகேந்திரன் என்பவர் மதுரை ஐகோர்ட் கிளையில் வழக்கு தொடர்ந்தார்.

இந்த வழக்கு இன்று விசாரணைக்கு வந்தபோது 'சர்கார்' படம் வெளியாகும் தியேட்டர்களில் கட்டணம் பற்றி தணிக்கைக்குழு ஆய்வு செய்யவேண்டும் என்றும், சர்கார் படத்துக்கு கூடுதல் கட்டணம் வசூலிப்பது உறுதி செய்யப்பட்டால் தியேட்டர் உரிமத்தை ரத்து செய்யலாம் என்றும் நீதிபதி உத்தரவிட்டுள்ளார்.

'சர்கார்' படத்திற்கான முதல் நாள் முதல் காட்சி ரூ.1000 முதல் ரூ.2000 வரை தமிழகத்தின் பல பகுதிகளில் டிக்கெட்டுக்கள் விற்பனை செய்து வருவதாக கூறப்படும் நிலையில் மதுரை ஐகோர்ட் கிளையின் இந்த உத்தரவு பரபரப்பை ஏற்படுத்தியுள்ளது.