கடந்த 2014ஆம் ஆண்டு தல அஜித் நடித்த 'வீரம்' மற்றும் தளபதி விஜய் நடித்த 'ஜில்லா' ஆகிய இரண்டு திரைப்படங்கள் ஒரே நாளில் வெளியாகி பெரும் பரபரப்பை ஏற்படுத்தியது

இந்த நிலையில் ஆறு வருடங்களுக்கு பின் அடுத்த ஆண்டு மீண்டும் தல, தளபதி படங்கள் ஒரே நாளில் வெளியாக வாய்ப்பு இருப்பதாக கருதப்படுகிறது

அஜித்தின் அடுத்த படமான 'தல 60' திரைப்படத்தின் படப்பிடிப்பு இம்மாதம் தொடங்கவுள்ள நிலையில் இந்த படம் வரும் 2020ஆம் ஆண்டு கோடை விடுமுறையில் வெளியாகும் என எதிர்பார்க்கப்படுகிறது

அதேபோல் தளபதி விஜய் நடிக்கும் லோகேஷ் கனகராஜ் படமும் 2020 கோடை விடுமுறையில் வெளியாகும் என அறிவிக்கப்பட்டுள்ளது. எனவே 2020ஆம் ஆண்டு ஏப்ரல் 14ஆம் தேதி தமிழ்ப்ப்புத்தாண்டு தினத்தில் தல, தளபதி படங்கள் வெளியாக வாய்ப்பு இருப்பதாக கருதப்படுகிறது.

இருப்பினும் இரண்டு படங்களின் தயாரிப்பாளர்கள் ரிலீஸ் தேதியை அதிகாரபூர்வமாக அறிவித்தபின்னரே தல-தளபதி மோதல் உறுதி செய்யப்படும் என்பது குறிப்பிடத்தக்கது