పవన్ ని తెర పై అలా చూడగలరా..?
- IndiaGlitz, [Monday,May 09 2016]
ప‌వ‌ర్ స్టార్ పవన్ కళ్యాణ్ హీరోగా ఎస్.జె.సూర్య ద‌ర్శ‌క‌త్వంలో ఓ చిత్రం రూపొందుతున్న విష‌యం తెలిసిందే. ఈ చిత్రాన్ని పవన్ ఫ్రెండ్ శ‌ర‌త్ మ‌రార్ నిర్మిస్తున్నారు. ఇటీవ‌ల ఈ చిత్రం ప్రారంభ‌మైంది. జూన్ నుంచి ఈ చిత్రం షూటింగ్ ప్రారంభించ‌నున్నారు.
ఇదిలా ఉంటే...ఈ చిత్రంలో పవన్ మేక‌ప్ లేకుండా ఓరిజిన‌ల్ గెట‌ప్ తో న‌టిస్తున్నార‌ట. ప్ర‌స్తుతం ఈ వార్త ఇండ‌స్ట్రీలో హాట్ టాపిక్ అయ్యింది. త‌మిళ్ లో అజిత్ మేక‌ప్ లేకుండా ఓరిజిన‌ల్ గెట‌ప్ తో న‌టిస్తుంటారు. ఇప్పుడు పవన్ కూడా మేక‌ప్ లేకుండా స‌గం తెల్ల జుట్టుతో న‌టించేందుకు రెడీ అవుతున్నార‌ట. తెర పై పవన్ ని అలా చూడగలరా అనిపిస్తుంది. అయితే....పవన్ అంటే పిచ్చి పీక్స్ లో ఉంది క‌నుక క‌థ బాగుండాలే కానీ...పవన్ గెట‌ప్ ఎలా ఉన్నా ప‌ట్టించుకోరు చూసేస్తారు. ఫ్యాక్ష‌న్ లీడ‌ర్ ల‌వ్ స్టోరీగా రూపొందుతున్న ఈ చిత్రానికి ఆకుల శివ క‌థ అందించారు. అనూప్ సంగీతం అందిస్తున్నారు.