ప‌వ‌న్ క‌ళ్యాణ్ అంటే ఎవ‌రికైనా ఠ‌క్కున‌ గుర్తుకొచ్చే చిత్రాలు.. సుస్వాగతం, తొలి ప్రేమ‌, త‌మ్ముడు, బద్రి, ఖుషి. ఈ ఐదు సినిమాలూ అత‌ని కెరీర్ ద‌శ‌ని, దిశ‌ని మార్చేసాయి. ఈ సినిమాల‌న్నింటిలోనూ ఉన్న కామ‌న్ పాయింట్‌.. ప్రేమ‌క‌థ‌లు కావ‌డం. ఈ చిత్రాల త‌రువాత ప‌వ‌న్ కెరీర్‌లో హిట్స్ ఉన్నా.. అవి ల‌వ్‌స్టోరీలైతే కాదు. ఇప్పుడు మ‌ళ్లీ మ‌రోసారి ప్రేమ‌క‌థ‌ని చేసేందుకు ప‌వ‌న్ సిద్ధ‌మ‌వుతుండ‌డం వార్త‌ల్లో నిలుస్తోంది.

అదే 'ఖుషి' ద‌ర్శ‌కుడు ఎస్‌.జె.సూర్య‌తో చేయ‌నున్న కొత్త చిత్రం. ఫ్యాక్ష‌నిజం బ్యాక్‌డ్రాప్‌లో ఈ ప్రేమ‌క‌థ ఉంటుంద‌ని ప‌వ‌న్ స్వ‌యంగా చెప్ప‌డం విశేషం. ఇక్క‌డ ప్ర‌స్తావించ‌ద‌గ్గ విష‌య‌మేమిటంటే.. ఫ్యాక్ష‌న్ చిత్రాల‌కు ఎప్పుడో కాలం చెల్లింద‌ని. ఆ త‌ర‌హా సినిమాలు చూసి చూసి ప్రేక్ష‌కులు విసుగు చెందిపోయారు. ఈ నేప‌థ్యంలో ప్రేమ‌క‌థ‌ల వ‌య‌సుని దాటిపోయిన ప‌వ‌న్ మ‌ళ్లీ ప్రేమ‌క‌థ చేయ‌డం.. అదీ ఫ్యాక్ష‌నిజం నేప‌థ్యం అంటే 40 ప్ల‌స్‌లో ప‌వ‌న్‌ని అలా చూడ‌గ‌ల‌రా అని సినీ విశ్లేష‌కులు అనుమానాన్ని వ్య‌క్తం చేస్తున్నారు. చూద్దాం.. ఏం జ‌రుగుతుందో?.