తమన్నాని పొగిడిన కెమెరామేన్‌
- IndiaGlitz, [Wednesday,September 13 2017]
మిల్కీ బ్యూటీ త‌మ‌న్నా బాహుబ‌లి 2 త‌రువాత మూడు సినిమాల్లో హీరోయిన్‌గా న‌టిస్తున్న సంగ‌తి తెలిసిందే. సందీప్ కిష‌న్‌తో ఓ సినిమా, క‌ళ్యాణ్ రామ్‌తో ఓ సినిమా, క్వీన్ తెలుగు రీమేక్‌లో త‌మ‌న్నా క‌థానాయిక‌గా న‌టిస్తోందిప్పుడు. అలాగే ఎన్టీఆర్‌తోనూ జైల‌వ‌కుశ కోసం ఓ స్పెష‌ల్ సాంగ్‌లో చిందేయ‌నుంది.
ఇదిలా ఉంటే.. క‌ళ్యాణ్ రామ్ సినిమాకి ప్ర‌ముఖ ఛాయాగ్ర‌హ‌కుడు పి.సి.శ్రీ‌రామ్ ప‌నిచేస్తున్న సంగ‌తి తెలిసిందే. ఆయ‌న తమన్నాని పొగుడుతూ ట్వీట్ చేశాడు ఇవాళ. త‌మ‌న్నాతో ప‌నిచేయ‌డం సంతోషంగా ఉంటుంద‌న్న సెన్స్‌తో ఆయ‌న ట్విట్ట‌ర్‌లో చెప్పుకొచ్చాడు.
అందుకు త‌మ‌న్నాకూడా రిప్లై ఇచ్చింది. తొలి త‌మిళ యాడ్‌కి మీతో (పి.సి.శ్రీ‌రామ్‌తో) ప‌నిచేయ‌డం ఇప్ప‌టికీ మ‌ర‌చిపోలేద‌ని.. ఈ సినిమాకి మీతో క‌లిసి ప‌నిచేయ‌డం త‌న అదృష్ట‌మ‌ని చెప్పుకొచ్చింది.