మెగాబ్ర‌ద‌ర్ త‌న‌యుడు వ‌రుణ్ తేజ్, హీరోగా విల‌క్ష‌ణ‌మైన సినిమాలు చేస్తూ త‌న‌కంటూ ఓ గుర్తింపును తెచ్చుకున్నాడు. ముకుంద‌, కంచె, లోఫ‌ర్ వంటి డిఫ‌రెంట్ మూవీస్‌తో ప్రేక్ష‌కుల‌ను అల‌రిస్తున్నాడు.దిల్ రాజు నిర్మాత‌గా నూత‌న ద‌ర్శ‌కుడు వెంకీ అట్లూరి ఫీల్ మై ల‌వ్ అనే సినిమా చేయ‌బోతున్నాడ‌ని అప్ప‌ట్లో వార్త‌లు వినిపించాయి.

అయితే ఇప్పుడు దిల్ రాజు ఈ సినిమా నిర్మాణం నుండి త‌ప్పుకున్నాడ‌ని అంటున్నారు. ఈ చిత్రాన్ని ప్ర‌ముఖ నిర్మాత బివిఎస్ఎన్ ప్ర‌సాద్ నిర్మించ‌బోతున్నాడ‌ని విశ్వ‌స‌నీయ వ‌ర్గాల స‌మాచారం. ప్ర‌స్తుతానికైతే ఈ మెగా క్యాంప్ హీరోతో దిల్ రాజు సినిమా చేస్తున్నాడు. శేఖ‌ర్ క‌మ్ముల ద‌ర్శ‌క‌త్వంలో రూపొంద‌నున్న ఈ చిత్రంలో సాయిప‌ల్ల‌వి హీరోయిన్‌గా న‌టిస్తుంది. శేఖ‌ర్ క‌మ్ముల చిత్రంలో ఎన్నారై పాత్ర‌లో క‌న‌ప‌డ‌బోతున్నాడు.