అయినా సరే.. చెర్రీ వదలడం లేదు
- IndiaGlitz, [Saturday,May 07 2016]
ఒక‌టికి రెండుసార్లు త‌న‌కు క‌లిసి రాక‌పోయినా సరే అదే ప‌ని మూడోసారి చేయ‌బోతున్నాడు మెగా ప‌వ‌ర్ స్టార్ రామ్‌చ‌ర‌ణ్‌. ఇంత‌కీ అదేమిటంటే.. త‌న‌కు అచ్చిరాని అక్టోబ‌ర్ నెల‌లో వ‌రుస‌గా మూడోసారి సంద‌డి చేయ‌నుండ‌డం. 2014లో 'గోవిందుడు అంద‌రివాడేలే' తో త‌న కెరీర్‌లోనే తొలిసారిగా అక్టోబ‌ర్ నెల‌లో సంద‌డి చేశాడు చ‌ర‌ణ్‌. ఆ సినిమా ఫ‌లితం అంతంత‌మాత్రంగానే తేలింది.
ఆ చిత్రం త‌రువాత చెర్రీ హీరోగా చేసిన 'బ్రూస్‌లీ' కూడా ఏడాది విరామం తీసుకుని అదే అక్టోబ‌ర్‌లో ప్రేక్ష‌కుల ముందుకొచ్చింది. ఫ‌లితం తెలిసిందే. ఈ నేప‌థ్యంలో ముచ్చటగా మూడోసారి అదే నెల‌పై కొత్త చిత్రంతో దండ‌యాత్ర చేయ‌బోతున్నాడు చెర్రీ. త‌మిళంలో ఘ‌న‌విజ‌యం సాధించిన 'త‌ని ఒరువ‌న్‌'కి రీమేక్‌గా రానున్న ఆ చిత్రమైనా చ‌ర‌ణ్‌కి అక్టోబ‌ర్ సెంటిమెంట్‌ని బ్రేక్ చేసి హిట్‌నిస్తుందేమో చూడాలి.