தமிழக வெற்றிக் கழகம் குறித்து விஷமத்தனமான செய்திகள் பரப்பப்படுகின்றன என்றும் அந்த செய்திகளை நம் கட்சியின் தொண்டர்கள் நம்ப வேண்டாம் என்றும் புஸ்ஸி ஆனந்த் தெரிவித்துள்ளார்

தமிழக வெற்றி கழகத்தின் முதல் கூட்டம் மதுரையில் நடைபெறும் என்றும் அந்த கூட்டத்தில் விஜய் தனது கட்சியின் கொடி, சின்னம் ஆகியவற்றை அறிவிப்பார் என்றும் சமூக வலைதளங்களில் செய்திகள் பரவியது. இந்த நிலையில் இது குறித்து புஸ்ஸி ஆனந்த் வெளியிட்டுள்ள அறிக்கையில் கூறியிருப்பதாவது:

தமிழக வெற்றிக் கழகத்தின் அதிகாரப்பூர்வ செயலி வாயிலாக மட்டுமே உறுப்பினர்கள் சேர்க்கை நடைபெறும் என்றும், உறுப்பினர்கள் சேர்க்கைக்காக சிறப்பு முகாம்கள் நடைபெறும் என்றும் கடந்த 19ஆம் தேதி நான் வெளியிட்ட அறிக்கையில் தெளிவுபடுத்தியுள்ளேன்.

கட்சியின் அதிகாரப்பூர்வமான சமூக வலைத்தளங்களில் வெளியிடப்படும் அறிவிப்புகள் தவிர்த்து, யூகத்தின் அடிப்படையில் அல்லது விஷமத்தனமாக பரப்பப்படும் செய்திகளைக் கழகத் தோழர்களும் பொதுமக்கள் நம்ப வேண்டாம் என்று கேட்டுக்கொள்கிறேன். இவ்வாறு புஸ்ஸி ஆனந்த் தெரிவித்துள்ளார்.

நம் தமிழக வெற்றிக் கழகத் தலைவர் @actorvijay அவர்கள், வருகிற நாடாளுமன்றத் தேர்தலுக்குப் பிறகு தான் கட்சி சார்பாக மக்கள் சந்திப்பு நிகழ்ச்சிகள் நடைபெறும் என்பதை, பிப்ரவரி 2ஆம் தேதி வெளியிட்ட தமது முதல் அறிக்கையிலேயே தெளிவுபடுத்தியுள்ளார்.

தமிழக வெற்றிக் கழகத்தின் @tvkvijayhq…

— N Anand (@BussyAnand) February 23, 2024