స్టైలీష్ స్టార్ అల్లు అర్జున్ (బ‌న్ని), విక్ర‌మ్ కుమార్ క‌ల‌సి ఓ సినిమా చేయ‌నున్నారు. ఇష్క్, మ‌నం చిత్రాల త‌ర్వాత విక్ర‌మ్ కుమార్ తెర‌కెక్కించిన 24 మూవీ మే నెల‌లో ప్రేక్ష‌కుల ముందుకు వ‌స్తుంది. అలాగే అల్లు అర్జున్ న‌టించిన స‌రైనోడు సినిమా ఈనెల 22న ప్రేక్ష‌కుల ముందుకు వ‌స్తుంది. స‌రైనోడు రిలీజ్ త‌ర్వాత బ‌న్ని విక్ర‌మ్ కుమార్ తో సినిమా చేయాల‌నుకున్నారు.

కానీ..విక్ర‌మ్ కుమార్ స్ర్కిప్ట్ వ‌ర్క్ కోసం ఓ ఐదు నెల‌లు టైమ్ కావాల‌న్నార‌ట‌. అందుచేత బ‌న్ని, విక్ర‌మ్ కుమార్ కాంబినేష‌న్లో గీతా ఆర్ట్స్ నిర్మించే ఈ చిత్రాన్ని న‌వంబ‌ర్ లో ప్రారంభించ‌డానికి ప్లాన్ చేస్తున్న‌ట్టు స‌మాచారం. ఈలోపు అల్లు అర్జున్ త్రివిక్ర‌మ్ శ్రీనివాస్ తో లేదా త‌మిళ డైరెక్ట‌ర్ లింగు స్వామితో ఓ సినిమా చేయాల‌నుకుంటున్నారు. ఈ ఇద్ద‌రిలో ఎవ‌రితో సినిమా చేయ‌నున్నార‌నేది స‌రైనోడు రిలీజ్ త‌ర్వాత తెలుస్తుంది.