బెజ‌వాడ అవ్వ చివ‌రి కోరిక తీర్చిన బన్ని
- IndiaGlitz, [Tuesday,December 15 2015]
బెజ‌వాడ అవ్వ మ‌స్తాన్ బీ కి కీ.శే అల్లు రామ‌లింగ‌య్య అంటే అభిమానం. ఆయ‌న్ని క‌ల‌వాల‌నుకుంది. కానీ క‌ల‌వ‌లేక‌పోయింది. అల్లు రామ‌లింగ‌య్య చ‌నిపోయిన త‌ర్వాత అల్లు మ‌న‌వ‌డు అల్లు అర్జున్ కి అభిమాని అయ్యింది. బన్ని డాన్స్ అంటే చాలా ఇష్ట‌మ‌ట. అయితే గ‌త కొంత కాలంగా మ‌స్తాన్ బీ మూత్రాశ‌య క్యాన్స‌ర్ తో బాధ‌ప‌డుతూ మంచానికే ప‌రిమిత‌మైంది.
ఆమె కి అల్లు అర్జున్ ని చూడాల‌నేదే చివ‌రి కోరిక. ఆ విష‌యాన్ని కూతుళ్ల‌కు చెప్పింద‌ట. ఈ వార్త మీడియాలో వ‌చ్చింది. అంతే విష‌యం తెలుసుకున్న బన్ని వెంట‌నే బెజ‌వాడ వెళ్లి మ‌స్తాన్ బీ ని క‌ల‌సి ధైర్యం చెప్పార‌ట. గ‌తంలో కింగ్ నాగార్జున, ప‌వ‌ర్ స్టార్ ప‌వ‌న్ కళ్యాణ్, మెగా ప‌వ‌ర్ స్టార్ రామ్ చ‌ర‌ణ్‌, యంగ్ టైగ‌ర్ ఎన్టీఆర్..త‌దిత‌రులు ఇలా త‌మ అభిమానుల చివ‌రి కోరిక‌ను తీర్చి.వాళ్ల క‌ళ్ల‌లో ఆనందం నింపారు.