చిరు వస్తున్నారని తెలిసే బన్నిరాలేదట..!
- IndiaGlitz, [Tuesday,August 09 2016]
అల్లు శిరీష్ నటించిన తాజా చిత్రం శ్రీర‌స్తు శుభ‌మ‌స్తు. ఈ చిత్రం ప్రీ రిలీజ్ ఫంక్ష‌న్ కి మెగాస్టార్ చిరంజీవితో పాటు స్టైలీష్ స్టార్ అల్లు అర్జున్ కూడా రావాల‌ట. అయితే...లాస్ట్ మినిట్ లో చిరంజీవి వస్తున్నారని తెలిసి అల్లు అర్జున్ రాలేద‌ట. ఇదేమిటి...చిరు వస్తున్నారని తెలిసి బ‌న్ని రాక‌పోవ‌డం...చిరు అంటే కోప‌మా అనుకుంటే పొర‌పాటే..!
అస‌లు విష‌యం ఏమిటంటే....చిరంజీవి గారు వ‌స్తున్న‌ప్పుడు నేను కూడా అదే ఫంక్ష‌న్ కి రావ‌డం ఎందుకు..? అలా కాకుండా నేను వేరే ఈవెంట్ కి వ‌స్తే సినిమాకి యూజ్ ఫుల్ గా ఉంటుంద‌ని బ‌న్ని చెప్పాడ‌ట. అందుకే బ‌న్ని శ్రీర‌స్తు శుభ‌మ‌స్తు స‌క్సెస్ మీట్ కి హాజ‌ర‌య్యాడ‌ట. స‌క్సెస్ మీట్ లో బ‌న్ని మాట్లాడుతూ....ఈ ఫంక్ష‌న్ కి కేవ‌లం త‌మ్ముడు కోసమే వ‌చ్చాను. సినిమా ర‌ష్ చూసిన‌ప్పుడే స‌క్సెస్ అవుతుంది అనిపించింది. త‌మ్ముడుకి స‌క్సెస్ రావ‌డం చాలా సంతోషంగా ఉంది. ఈ సంద‌ర్భంగా డైరెక్ట‌ర్ ప‌రుశురామ్ కి ఫ్యామిలీ అంద‌రి త‌రుపున థ్యాంక్స్ తెలియ‌చేస్తున్నాను అన్నారు.