5-டி20, 3-ஒருநாள் போட்டிகளில் பும்ராவிற்கு வாய்ப்பு இல்லையா? ரசிகர்கள் அதிர்ச்சி!
- IndiaGlitz, [Wednesday,February 17 2021] Sports News
இங்கிலாந்துக்கு எதிரான முதல் டெஸ்ட் கிரிக்கெட் போட்டியில் நன்றாக விளையாடிய ஜஸ்பிரித் பும்ராவிற்கு இரண்டாது டெஸ்ட் கிரிக்கெட்டில் வாயப்பு வழங்கப் படவில்லை. இதுகுறித்து கருத்துத் தெரிவித்த கேப்டன் விராட் கோலி அவருக்கு ஓய்வு கொடுத்து இருக்கிறோம். அகமதாபாத்தில் நடைபெற இருக்கும் அடுத்த 2 டெஸ்ட் போட்டிகளிலும் அவர் கலந்து கொள்ளுவார் எனக் கூறி இருந்தார்.
இந்நிலையில் இங்கிலாந்துக்கு எதிரான அடுத்த 2 டெஸ்ட் போட்டிகளிலும் பும்ரா விளையாட இருக்கிறார், ஆனால் 5 டி20 போட்டிகள் மற்றும் 3 ஒருநாள் போட்டிகளில் பும்ரா விளையாட மாட்டார் என்று ஐசிசி தரப்பு தகவல் வெளியிட்டு உள்ளது. இதனால் ரசிகர்கள் கடும் அதிர்ச்சி தெரிவித்து உள்ளனர்.
இந்திய அணியின் நம்பிக்கை நட்சத்திரமான ஜஸ்பிரித் பும்ரா வேகப்பந்து வீச்சில் அபாரத் திறமைக் கொண்டவர். அதோடு ஆஸ்திரேலிய தொடரின்போது பேட்டிங்கிலும் அசத்தினார். இவரது திறமையைப் பார்த்த ரசிகர்கள் அதிர்ச்சி வெளிப்படுத்தி இருந்தனர். இந்நிலையில் இங்கிலாந்துக்கு எதிரான டி20 மற்றும் ஒருநாள் போட்டிகளில் இவருக்கு வாய்ப்பு இல்லை என்ற தகவல் வெளியாகி உள்ளது.
இதுகுறித்து வெளியான செய்தி குறிப்பில் ஆஸ்திரேலிய சுற்றுப் பயணத்தில் இருந்து இங்கிலாந்து டெஸ்ட் கிரிக்கெட் வரை பும்ரா 180 ஓவர் பந்து வீசியுள்ளார் என்றும் அவரது ஃபிட்னெஸை கருத்தில் கொண்டே இந்த முடிவு எடுக்கப்பட்டு உள்ளதாகவும் கூறப்படுகிறது. மேலும் இங்கிலாந்துக்கு எதிரான டி20, ஒருநாள் போட்டிகளில் புவனேஷ்வர் குமார், ஷமி, நடராஜன், ஷைனி ஆகிய பவுலர்களுக்கு வாய்ப்பு வழங்கப்படலாம் என்ற தகவலும் கூறப்பட்டு வருகிறது.