ప్రియాంక కొఠారి కీల‌క పాత్ర‌లో న‌టించిన సినిమా బుల్లెట్ రాణి. ఫోక‌స్ ఆన్ పిక్చ‌ర్స్ ప‌తాకంపై రూపొందింది. సాజిద్ ఖురేషి ద‌ర్శ‌క‌త్వం వ‌హించారు. ఎం.ఎస్‌.యూస‌ఫ్ నిర్మిస్తున్నారు. ఈ సినిమా షూటింగ్ పూర్త‌యింది. త్వ‌ర‌లో ప్రేక్ష‌కుల ముందుకు రానుంది.

ద‌ర్శ‌కుడు మాట్లాడుతూ ``సెన్సార్ కూడా ముగిసింది. గ‌బ్బ‌ర్ సింగ్ స్టైల్‌, దూకుడు టాలెంట్‌, విక్ర‌మార్కుడు హానెస్టీని తీసుకుని ఈ క‌థ రాశాను. లంచ‌గొండిత‌నాన్ని ఎదిరించి పోరాడే ఓ లేడీ పోలీస్ ఆఫీస‌ర్ క‌థ ఇది. ప్రియాంక అద్భుతంగా న‌టించింది. నో జ‌డ్జిమెంట్ ఒన్లీ ప‌నిష్‌మెంట్ అనే డైలాగ్ హైలైట్ అవుతుంది. న‌వంబ‌ర్ ఆఖ‌రున సినిమాను విడుద‌ల చే్స్తాం`` అని అన్నారు.

ప్రియాంక కొఠారి మాట్లాడుతూ ``ఇందులో ధైర్యంగా, నీతి నిజాయ‌తీగా ఉండే పోలీస్‌గా న‌టించాను. ద‌ర్శ‌కుడికి మంచి విజ‌న్ ఉంది`` అని తెలిపారు.

ఆశిష్ విద్యార్థి, ష‌ఫి, తాగుబోతు ర‌మేష్‌, ర‌వి కాలే, అమిత్ ఇత‌ర పాత్ర‌ధారులు. ఈ సినిమాకు ఎడిట‌ర్‌: వి.సురేష్ కుమార్‌, మాట‌లు: జి.నాగేశ్వ‌ర‌రావు, యాక్ష‌న్‌: థ‌్రిల్ల‌ర్ మంజు, సంగీతం: గుణ్వంత్‌.