త‌మిళ హీరో కార్తీ ఇటీవ‌ల ఊపిరి చిత్రంతో మంచి విజ‌యాన్ని సాధించారు. అలాగే సూర్య కూడా 24 మూవీతో తెలుగు, త‌మిళ్ లో స‌క్సెస్ సాధించారు. ఇప్పుడు ఈ అన్న‌ద‌మ్ములు సూర్య - కార్తీ ఇద్ద‌రూ క‌లిసి ఓ చిత్రంలో న‌టిస్తున్నార‌ట‌. ఈ న్యూస్ త‌మిళ ఇండ‌స్ట్రీలో ప్ర‌స్తుతం హాట్ టాపిక్ అయ్యింది. సూర్య ప్ర‌స్తుతం సింగం, సింగం 2 చిత్రాల‌కు సీక్వెల్ గా రూపొందిస్తున్న‌ సింగం 3 చిత్రంలో న‌టిస్తున్నారు.

ఈ చిత్ర‌లో సూర్య స‌ర‌స‌న అనుష్క‌, శృతిహాస‌న్ న‌టిస్తున్నారు. హ‌రి ఈ చిత్రాన్ని తెర‌కెక్కిస్తున్నారు. ఈ చిత్రంలో సూర్య తో క‌లిసి కార్తీ ఓ ముఖ్య పాత్ర పోషిస్తున్నాడ‌ట‌. అంతే కాకుండా ఓ సాంగ్ లో అన్న‌య్య తో క‌లిసి డ్యాన్స్ కూడా చేస్తాడ‌ట కార్తీ. ఇదే క‌నుక నిజ‌మైతే...సింగం 3 ఫ్యాన్స్ కి ఓ స్పెష‌ల్ మూవీ అవుతుంది అన‌డంలో సందేహం లేదు. జ్ఞాన‌వేల్ రాజా నిర్మిస్తున్న సింగం 3 చిత్రాన్ని సెప్టెంబ‌ర్ లో కుద‌ర‌క‌పోతే అక్టోబ‌ర్ లో రిలీజ్ చేయ‌డానికి ప్లాన్ చేస్తున్నారు.