తమ్ముడు దొరికాడు!
- IndiaGlitz, [Friday,May 18 2018]
హీరోగానే కాదు, సినిమాలో ప్రాధాన్యమున్న ఎలాంటి పాత్రనైనా చెయ్యడానికి శ్రీవిష్ణు సిద్ధంగా ఉంటారు. మంచి కథతోపాటు తన క్యారెక్టర్‌కి ఉన్న ఇంపార్టెన్స్‌ని బట్టి సినిమాలను ఎంపిక చేసుకుంటున్నాడు శ్రీవిష్ణు. అతను హీరోగా నటించిన ‘నీది నాదీ ఒకే కథ’ ఇటీవల విడుదలై అందరి ప్రశంసలు అందుకుంది. ఇప్పుడు శ్రీవిష్ణు మరో గుర్తుండిపోయే పాత్రలో కనిపిస్తారని తెలుస్తోంది. శర్వానంద్ హీరోగా శ్రీకాంత్ అడ్డాల దర్శకత్వంలో రూపొందే సినిమాలో శర్వానంద్‌కి తమ్ముడుగా నటించనున్నాడు శ్రీవిష్ణు. గీతా ఆర్ట్స్ బేనర్‌పై అల్లు అరవింద్ నిర్మించే చిత్రంలో శ్రీవిష్ణు ఓ ప్రాధాన్యం కలిగిన పాత్ర చేయబోతున్నాడు. ఈ సినిమాకి సంబంధించిన పూర్తి వివరాలు వెల్లడించాల్సి ఉంది.