ஸ்பெயின் நாட்டு விமான நிலையத்தில் பிரிட்டிஷ் ஏர்வேஸ்க்கு சொந்தமான விமானம் ஒன்று பற்றி எரியும் காட்சி சமூக வலைத்தளத்தில் கடும் வைரலாகி வருகிறது. ஸ்பெயின் நாட்டின் காஸ்டெல்லன் எனும் பகுதியில் உள்ள விமான நிலையத்தில் நிறுத்தி வைக்கப்பட்டு இருந்தபோது இந்தச் சம்பவம் நடைபெற்றதாகக் கூறப்படுகிறது.

பிரிட்டிஷ் ஏர்வேஸ்க்குச் சொந்தமான 747 எனும் விமானம் தனது சேவையை முடித்துக் கொண்டதால் தற்போது காஸ்டெல்லன் விமான நிலையத்தில் நிறுத்திவைக்கப்பட்டு இருக்கிறது. இந்நிலையில் அந்த விமானத்தின் உதிரிபாகங்களை தனியே பிரித்து எடுக்கும் வேலை தற்போது நடைபெற்று வருவதாகக் கூறப்படுகிறது. அப்படி உதிரிப்பாகங்களை பிரிக்கும்போது திடீரெனத் தீப்பொறி சூழ்ந்து ஒட்டுமொத்த விமானமும் தீப்பிடித்து எரிந்து இருக்கிறது.

இதனால் அந்நகரில் உள்ள தீயணைப்பு வீரர்கள் உடனடியாக அப்பகுதிக்கு விரைந்து தீயை விரைந்து அணைத்தனர் எனவும் கூறப்படுகிறது. இந்த விபத்தினால் யாருக்கும் எந்தப் பாதிப்பும் ஏற்படவில்லை. ஆனால் விமானத்தின் பெரும்பாலான பகுதிகள் சேதம் அடைந்து விட்டதாகவும் செய்திகள் தெரிவிக்கின்றன.

British Airways 747 catches fire whilst parked at Castellón Airport in Spain. No injuries reported. https://t.co/AL2Zopz4jW pic.twitter.com/lReQolJtPy

— Breaking Aviation News & Videos (@breakingavnews) November 23, 2020