வழுக்கைத்தலை மாப்பிள்ளையா? மணமேடையை விட்டு திடீரென எழுந்து ஓடிய மணமகள்
- IndiaGlitz, [Saturday,March 03 2018]
இந்தியாவில் உள்ள இளைஞர்களுக்கு தற்போது வழுக்கைத்தலை என்பது சர்வ சாதாரணமாகிவிட்டது. இளைஞர்களின் இந்த பலவீனத்தை பலமாக பயன்படுத்தி பலர் வழுக்கைத்தலையில் முடிநடும் நிலையங்களை தொடங்கி லட்சக்கணக்கில் பணம் கறந்து வருகின்றனர்.
இந்த நிலையில் டெல்லியை சேர்ந்த டாக்டர் ரவிகுமார் என்பவருக்கு திருமணம் நிச்சயிக்கப்பட்டது. மணப்பெண் தனது வருங்கால கணவரை போட்டோவில் பார்த்து திருமணத்திற்கு ஒப்புக்கொண்டார். இந்த நிலையில் திருமண நிகழ்ச்சி மகிழ்ச்சிகரமாக நடந்து கொண்டிருந்தது மாப்பிள்ளை ரவிகுமார் தனது குடும்ப வழக்கப்படும் தலைப்பாகை அணிந்திருந்தார்.
இந்த நிலையில் மணப்பெண்ணுக்கு தாலி கட்டுவதற்கு சில நிமிடங்களுக்கு முன் மாப்பிள்ளை தலைப்பாகையை கழட்ட, அப்போதுதான் அவருக்கு முடி இல்லாததை கண்டு மணமகள் அதிர்ச்சி அடைந்தார். உடனே திருமண மேடையை விட்டு எழுந்து, முடியில்லாத இவரை திருமணம் செய்ய மாட்டேன்' என்று கூறிவிட்டு ஆவேசமாக திருமண மண்டபத்தை விட்டு வெளியேறினார்.
அனைத்து ஏற்பாடுகளும் செய்த பின்னர் திருமணம் நின்றுவிட்டதை எண்ணி அதிர்ச்சி அடைந்த டாக்டர் ரவிகுமார், பின்னர் அதே திருமணத்திற்கு பார்வையாளராக வந்த காய்கறி விற்பவரின் மகளை திருமணம் செய்து கொண்டார். இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.