బ్రేకింగ్: కరోనాతో టాలీవుడ్ ప్రముఖ నిర్మాత మృతి
- IndiaGlitz, [Saturday,July 04 2020]
తెలుగు రాష్ట్రాల్లో కరోనా విజృంభిస్తోంది. క్రమక్రమంగా అది అన్ని రంగాలకూ వ్యాపిస్తోంది. సినీ ఇండస్ట్రీకి కూడా కరోనా వ్యాపించింది. కొందరు సినీ ప్రముఖులు ఇప్పటికే కరోనాతో బాధ పడుతున్నారు. కాగా ఈరోజు ఉదయం ప్రముఖ నిర్మాత, పోకూరి బాబూరావు సోదరుడు పోకూరి రామారావు కరోనాతో మృతి చెందారు. నేటి ఉదయం 9 గంటలకు మణికొండలో ఆయన తుదిశ్వాస విడిచారు.
ఇటీవలే పోకూరి రామారావుకు కరోనా పాజిటివ్‌గా నిర్ధారణ అవడంతో.. ఆయన కాంటినెంటల్ ఆసుపత్రిలో చికిత్స పొందుతున్నారు. నేటి ఉదయం పరిస్థితి విషమించడంతో తుది శ్వాస విడిచారని ఆసుపత్రి వర్గాలు వెల్లడించాయి. ఈతరం ఫిలిమ్స్‌లో ఆయన ఎన్నో చిత్రాలను నిర్మించారు. మణికొండలో ఈరోజు ఉదయం 9 గంటలకు తుది శ్వాస విడిచారు.