టాలీవుడ్ ద‌ర్శ‌కులకి ద్వితీయ విఘ్నం అనేది ఇటీవ‌ల కాలంలో స‌ర్వ సాధార‌ణ‌మైంది. అయితే మ‌హేష్‌బాబుతో త‌మ త‌మ రెండో చిత్రాల‌ను చేసే ద‌ర్శ‌కుల‌కు మాత్రం ఇది మిన‌హాయింపు. 'అత‌డు'తో త్రివిక్ర‌మ్ శ్రీ‌నివాస్‌, 'సీత‌మ్మ‌ వాకిట్లో సిరిమ‌ల్లె చెట్టు' సినిమాతో శ్రీ‌కాంత్ అడ్డాల‌, 'శ్రీ‌మంతుడు' చిత్రంతో కొర‌టాల శివ ద్వితీయ విఘ్నాన్ని సూప‌ర్‌స్టార్ కాంబినేష‌న్‌తో అవ‌లీల‌గా అధిగ‌మించారు.అంతే కాకుండా ఆయా ద‌ర్శ‌కుల‌కి ఆ చిత్రాలు కెరీర్ బెస్ట్ ఫిల్మ్స్‌గా నిలిచాయి.

అయితే ఇక్క‌డో మ‌రో విష‌యాన్ని ప్ర‌స్తావించాలి. అదేమిటంటే.. రెండో చిత్రాన్ని మ‌హేష్ కాంబినేష‌న్ లో రూపొందించి హిట్ కొట్టిన ఆయా ద‌ర్శ‌కులలో ఇద్ద‌రు నాలుగో చిత్రంతో ఇబ్బంది ప‌డ్డారు. మ‌రో ద‌ర్శ‌కుడు నాలుగో ప్ర‌య‌త్నం చేస్తున్నాడు. త్రివిక్ర‌మ్ నాలుగో చిత్ర‌మైన 'ఖ‌లేజా'.. శ్రీ‌కాంత్ అడ్డాల నాలుగో చిత్ర‌మైన 'బ్ర‌హ్మోత్స‌వం' బాక్సాఫీస్ వ‌ద్ద ఘోరంగా దెబ్బ‌తిన్నాయి. ఈ నేప‌థ్యంలో కొర‌టాల శివ నాలుగో చిత్రం 'భ‌ర‌త్ అనే నేను' కూడా అదే బాట‌లో వెళుతుందా? లేదంటే ఆ సెంటిమెంట్‌కి బ్రేక్ వేస్తుందా? అనేది ఆస‌క్తిక‌రంగా మారింది. సంక్రాంతి కానుక‌గా 'భ‌ర‌త్ అనే నేను' విడుద‌ల కానుంది.