బ్రహ్మోత్సవం వీడియో గ్రాఫర్స్ పట్టుకున్న పోలీసులు..
- IndiaGlitz, [Sunday,February 14 2016]
సూప‌ర్ స్టార్ మహేష్ న‌టిస్తున్న తాజా చిత్రం బ్రహ్మోత్సవం. ఈ చిత్రాన్ని శ్రీకాంత్ అడ్డాల తెర‌కెక్కిస్తున్నారు. తెలుగు, త‌మిళ్ లో ఈ చిత్రాన్ని పి.వి.పి సంస్థ ప్ర‌తిష్టాత్మ‌కంగా నిర్మిస్తుంది. ఇక అస‌లు విష‌యానికి వ‌స్తే.... ఈరోజు ర‌థ‌స‌ప్త‌మి ప‌ర్వ‌దినం సంద‌ర్భంగా తిరుమ‌ల‌లో శ్రీవారి గ‌రుడ సేవ‌ల‌తో ప్ర‌త్యేక పూజ‌లు చేస్తున్నారు. ఈ ప్ర‌త్యేక పూజ‌ల‌ను చిత్రీక‌రిస్తున్న అనుమానితుల‌ను పోలీసులు ప‌ట్టుకున్నారు. వారిని విచారిస్తే...మహేష్ న‌టిస్తున్న బ్రహ్మోత్సవం సినిమా వీడియో గ్రాఫర్స్ అని...ఈ సినిమా కోసం చిత్రీక‌రిస్తున్నామ‌ని చెప్పారు. అయితే శ్రీవారి పూజ‌ల‌ను ఎలాంటి అనుమ‌తి తీసుకోకుండా చిత్రీక‌రిస్తుండ‌డంతో వారిని అదుపులోకి తీసుకుని త‌దుప‌రి విచార‌ణ కొన‌సాగిస్తున్నారు.