బ్రహ్మోత్సవం సాంగ్ టీజర్ రిలీజ్...
- IndiaGlitz, [Sunday,May 01 2016]
సూపర్ స్టార్ మ‌హేష్ బాబు హీరోగా శ్రీకాంత్ అడ్డాల తెర‌కెక్కిస్తున్న చిత్రం బ్రహ్మోత్సవం. ఈ చిత్రాన్ని పి.వి.పి సంస్థ తెలుగు, త‌మిళ్ లో ప్ర‌తిష్టాత్మ‌కంగా నిర్మిస్తుంది. మిక్కీ జే మేయ‌ర్ సంగీతాన్ని అందిస్తున్న బ్రహ్మోత్సవం ఆడియోను ఈనెల 7న గ్రాండ్ గా రిలీజ్ చేయ‌నున్నారు. అయితే....ఈరోజు మ‌హేష్ బాబు ట్విట్ట‌ర్ లో బ్రహ్మోత్సవం సాంగ్ టీజర్ రిలీజ్ చేసారు. మ‌ధురం మ‌ధురం అంటూ సాగే సాంగ్ టీజర్ అంద‌ర్నీ ఆక‌ట్టుకుంటుంది.
శ్రీకాంత్ అడ్డాల మ‌రోసారి అంద‌ర్నీ ఆక‌ట్టుకునేలా బ్రహ్మోత్సవం చిత్రాన్ని రూపొందిస్తున్నారు. ఈ చిత్రంలో మ‌హేష్ స‌ర‌స‌న స‌మంత, కాజ‌ల్, ప్ర‌ణీత న‌టిస్తున్నారు. ప్ర‌పంచ వ్యాప్తంగా బ్రహ్మోత్సవం చిత్రాన్ని ఈ నెల 20న రిలీజ్ చేయ‌నున్నారు. మ‌హేష్ - శ్రీకాంత్ అడ్డాల కాంబినేష‌న్లో రూపొందిన సీత‌మ్మ‌వాకిట్లో సిరిమ‌ల్లె చెట్టు ఎంత‌టి సంచ‌ల‌నం సృష్టించిందో తెలిసిందే. మ‌రి..ఈసారి ఈ కాంబినేష‌న్ ఎలాంటి సెన్సేషన్ క్రియేట్ చేస్తుందో తెలియాలంటే ఈనెల 20 వ‌ర‌కు ఆగాల్సిందే.