మ‌హేష్..చెప్పులు తొడుగుతుంది అత‌నికే..
- IndiaGlitz, [Thursday,April 07 2016]
సూప‌ర్ స్టార్ మ‌హేష్ న‌టిస్తున్న తాజా చిత్రం బ్ర‌హ్మోత్స‌వం. ఈ చిత్రాన్ని శ్రీకాంత్ అడ్డాల తెర‌కెక్కిస్తున్నారు. కొత్త సంవ‌త్స‌ర కానుక‌గా జ‌న‌వ‌రి 1న బ్ర‌హ్మోత్స‌వం టీజ‌ర్ రిలీజ్ చేసారు. ఇప్పుడు తెలుగు వారి సంవ‌త్స‌రాది ఉగాది ప‌ర్వ‌దినం సంద‌ర్భంగా కొత్త పోస్ట‌ర్ రిలీజ్ చేసారు. బ్లాక్ అండ్ వైట్ లో ఉన్న బ్ర‌హ్మోత్స‌వం కొత్త పోస్ట‌ర్ లో మ‌హేష్ కింద‌కి వంగి ఓ వ్య‌క్తికి చెప్పులు తొడుగుతున్నాడు. ఆ వ్య‌క్తి ఎవ‌రో పోస్ట‌ర్ లో చూపించ‌లేదు.
అయితే...ఈ చిత్రంలో స‌త్య‌రాజ్ ఓ ముఖ్య‌పాత్ర పోషిస్తున్నారు. అది మ‌హేష్ తండ్రి పాత్ర కావ‌చ్చ‌ని..మ‌హేష్ చెప్పులు తొడుగుతుంది ఆయ‌నకే అని టాక్.ఇది నిజ‌మా కాదా అనేది చిత్ర‌యూనిట్ చెప్పాలి. ఇదిలా ఉంటే... ఈనెల 10కి టాకి పూర్తి చేసుకుని 11 నుంచి 20వ‌ర‌కు రెండు పాట‌ల‌ను పుణేలో చిత్రీక‌రించ‌డానికి ప్లాన్ చేస్తున్నారు. ఈనెల 24న బ్ర‌హ్మోత్స‌వం ఆడియో రిలీజ్ చేసి... సినిమాని మే 6న రిలీజ్ చేయాల‌నుకుంటున్నారు.